“മെസ്സി ഇന്റർ മിയാമിയിൽ കളിക്കുമെന്നാണ് പ്രതീക്ഷ”

Staff Reporter

Download the Fanport app now!
Appstore Badge
Google Play Badge 1

ബാഴ്‌സലോണ സൂപ്പർ താരം ലയണൽ മെസ്സി ഭാവിയിൽ എം.എൽ.എസ്സിൽ ഇന്റർ മിയാമിക്ക് വേണ്ടി കളിക്കുമെന്നാണ് തന്റെ പ്രതീക്ഷയെന്ന് ഇന്റർ മിയാമി സഹ ഉടമ ജോർഗെ മാസ്. ബാഴ്‌സലോണയിൽ ഈ സീസണിന്റെ അവസാനത്തോടെ മെസ്സിയുടെ കരാർ അവസാനിക്കാനിരിക്കെയാണ് ഇന്റർ മിയാമി സഹ ഉടമയുടെ പ്രതികരണം.

താനും ഡേവിഡ് ബെക്കാമും ലോകോത്തര താരങ്ങളെ ടീമിൽ എത്തിക്കണമെന്ന് ആഗ്രഹിക്കുന്ന ആളാണെന്നും മെസ്സി ഫുട്ബോൾ ലോകം കണ്ട ഏറ്റവും മികച്ച താരങ്ങളിൽ ഒരാൾ ആണെന്നും ജോർഗെ മാസ് പറഞ്ഞു. മെസ്സി ഭാവിയിൽ ഇന്റർ മിയാമിക്ക് വേണ്ടി കളിക്കുമെന്നാണ് തന്റെ പ്രതീക്ഷയെന്നും ലോകോത്തര താരങ്ങളെ ഉൾപ്പെടുത്തി ടീം നിർമിക്കാനുള്ള ഇന്റർ മിയാമി ഉടമകളുടെ അഭിലാഷങ്ങൾ നിറവേറുമെന്നാണ് കരുതപെടുന്നതെന്നും ഇന്റർ മിയാമി സഹ ഉടമ ജോർഗെ മാസ് പറഞ്ഞു.