ഇംഗ്ലീഷ് ഇതിഹാസം ഡേവിഡ് ബെക്കാമിനെ അമേരിക്കൻ ക്ലബായ എൽ എ ഗാലക്സി ആദരിച്ചു. ബെക്കാമിന്റെ പ്രതിമ എൽ എ ഗാലക്സിയുടെ സ്റ്റേഡിയത്തിൽ ഇന്ന് അനാച്ഛാദനം ചെയ്തു. ബെക്കാമിന്റെ മുൻ ക്ലബായ എൽ എ ഗാലക്സി നേരത്തെ തന്നെ ബെക്കാമിനെ ആദരിക്കുമെന്ന് അറിയിച്ചിരുന്നു.
എൽ എ ഗാലകസിയുടെ ഹോം സ്റ്റേഡിയത്തിൽ ഇന്ന് നടന്ന സീസണിലെ ആദ്യ മത്സരത്തിനു മുമ്പായിരുന്നു പ്രതിമ പ്രകാശനം ചെയ്തത്. ഡേവിഡ് ബെക്കാമും ചടങ്ങിൽ പങ്കെടുത്തു.
2007ൽ ഗാലക്സിയിൽ എത്തിയ ഡേവിഡ് ബെക്കാം 6 വർഷത്തോളം അവിടെ കളിച്ചിരുന്നു. രണ്ട് തവണ ഗാലക്സിയെ എം എൽ എസ് ചാമ്പ്യന്മാരാക്കാനും ബെക്കാമിനായിരുന്നു. അമേരിക്കൻ ഫുട്ബോളിനെ ലോക ശ്രദ്ധയിൽ എത്തിക്കുന്നതിൽ ബെക്കാം വലിയ പങ്കുവഹിച്ചിരുന്നു എന്നും അതാണ് ഈ പ്രതിമയ്ക്ക് കാരണം എന്നും ക്ലബ് അറിയിച്ചു.
