അത്ഭുത ഗോളുമായി വീണ്ടും ഇബ്രാഹിമോവിച്

അമേരിക്കൻ ഫുട്ബോൾ ലീഗായ മേജർ ലീഗ് സോക്കറിൽ വീണ്ടുമൊരു അത്ഭുത ഗോളുമായി സ്വീഡിഷ് ഇതിഹാസം സ്ലാട്ടാൻ ഇബ്രാഹിമോവിച്. വണ്ടർ ഗോളുകൾ അടിക്കുന്നത് തന്റെ ശീലമാക്കി മാറ്റിയ ഇബ്ര ഇന്ന് ഒരു ബൈസിക്കിൾ കിക്ക് ഗോളാണ് നേടിയത്. ഇന്ന് ഗാലക്സിയും ന്യൂ ഇംഗ്ലണ്ടും തമ്മിലുള്ള മത്സരത്തിലായിരുന്നു ഇബ്രയുടെ ഗോൾ.

തനിക്ക് കിട്ടിയ ക്രോ രണ്ട് ടെച്ചു കളിലൂടെ കണ്ട്രോൾ ചെയ്ത് ബൈസൈക്കിൾ കിക്കൊലൂടെ ഇബ്ര വലയിൽ എത്തിക്കുകയായിരുന്നു. 37ആം വയസ്സിലും ഇബ്രയുടെ ഈ ആക്രൊബാറ്റിക്ക് മികവ് ഫുട്ബോൾ ലോകത്തെ മുഴുവൻ അമ്പരിപ്പിച്ചിരിക്കുകയാണ്‌. മത്സരം 2-1ന് ഗാലക്സി പരാജയപ്പെട്ടു എങ്കിലും ഇബ്രയുടെ ഗോളാണ് സാമൂഹിക മാധ്യമങ്ങളിലെ ചർച്ച. സീസണിൽ ഇതിനകം തന്നെ 10 ഗോളുകൾ ഇബ്ര അടിച്ചു കഴിഞ്ഞു.