primus mobile
primus mobile

അറ്റ്ലാന്റ യുണൈറ്റഡിന് മേജർ ലീഗ് സോക്കർ കപ്പ്

മേജർ ലീഗ് സോക്കറിൽ ഇനി പുതിയ രാജാക്കന്മാർ. തങ്ങളുടെ രണ്ടാം സീസണിൽ തന്നെ കിരീടം നേടിയാണ് അറ്റ്ലാന്റ യുണൈറ്റഡ് എഫ് സി എം എൽ എസ് ചരിത്രം രചിച്ചത്. പോർട്ട്ലാൻഡ് ടിംബേർസിനെ എതിരില്ലാത്ത 2 ഗോളുകൾക്കാണ് അവർ മറികടന്നത്.

ലീഗിലെ ഈ സീസണിലെ താരോദയം ജോസഫ് മാർടീനസാണ് അറ്റ്ലാന്റയുടെ ആദ്യ ഗോൾ നേടിയത്. 39 ആം മിനുട്ടിലാണ് താരത്തിന്റെ ഈ സീസണിലെ 35 ആം ഗോൾ പിറന്നത്. പിന്നീട് രണ്ടാം പകുതിയിൽ ഫ്രാങ്കോ എസ്‌കോബാർ നേടിയ ഗോളിന് വഴി ഒരുക്കിയതും മാർടീനസായിരുന്നു. ഈ സീസണോടെ ക്ലബ്ബ് വിടുന്ന പരീശീലകൻ ജരാർഡോ മാർടീനോക്ക് താരങ്ങൾ നൽകുന്ന ഉചിതമായ യാത്ര അയപ്പായി കിരീട ധാരണം.