എം എസ് എൽ ക്ലബായ അറ്റ്ലാന്റ യുണൈറ്റഡ് പരിശീലകൻ ടാറ്റ മാർടീനോ ഈ സീസൺ അവസാനത്തോടെ ക്ലബ് വിടും. ക്ലബ് വാഗ്ദാനം ചെയ്ത പുതിയ കരാർ ടാറ്റ നിരസിച്ചതോടെയാണ് അദ്ദേഹം ക്ലബ് വിടുമെന്ന് ഉറപ്പായത്. അവസാന രണ്ടു സീസണുകളിലായി അറ്റ്ലാന്റ യുണൈറ്റഡിനെ പരിശീലിപ്പിക്കുന്ന ടാറ്റ എം എൽ എസിലെ തന്നെ ഏറ്റവും മികച്ച കോച്ചാണ്. ഇപ്പോൾ ലീഗിന്റെ തലപ്പത്താണ് അറ്റ്ലാന്റ യുണൈറ്റഫ് ഉള്ളത്.
പ്ലേ ഓഫ് ഇതിനകം തന്നെ ഉറപ്പിച്ച അറ്റ്ലാന്റയ്ക്ക് ലീഗിലെ അവസാന മത്സരം തോറ്റില്ല എങ്കിൽ എം എൽ എസ് സപ്പോർടേഴ്സ് ഷീൽഡും വിജയിക്കാം. അവസാന രണ്ടു സീസണിലും ടീമിനെ പ്ലേ ഓഫിൽ എത്തിച്ച ടാറ്റ മാർട്ടിനോ ക്ലബ് വിടുന്നത് അറ്റ്ലാന്റയ്ക്ക് കനത്ത തിരിച്ചടിയാകും. എവിടേക്കാണ് ടാറ്റ മാർടീനോ പോകുന്നത് എന്ന് ക്ലബോ പരിശീലകനോ വ്യക്തമാക്കിയിട്ടില്ല.
മാർടീനോ ചുമതലയേറ്റതിനു ശേഷം എൽ എൽ എസിൽ ഒരു ടീമും അറ്റ്ലാന്റയുടെ അത്ര പോയന്റ് നേടുകയോ ഗോൾ അടിക്കുകയോ ചെയ്തിട്ടില്ല.
