ഫ്രാൻസ് ദേശീയ ടീമിന്റെ പുതിയ ഒന്നാം നമ്പർ ആരായിരിക്കും എന്ന് പരിശീലകൻ ദെഷാംസ് പ്രഖ്യാപിച്ചു. മുൻ ഒന്നാം നമ്പർ ടോട്ടൻഹാം താരം ഹ്യൂഗോ ലോറിസ് ലോകകപ്പോടെ അന്താരാഷ്ട്ര ഫുട്ബോളിൽ നിന്ന് വിരമിക്കൽ പ്രഖ്യാപിച്ചിരുന്നു. പകരം എ സി മിലാന്റെ മൈക്ക് മൈഗ്നൻ ഗോൾ കീപ്പറായി എത്തുമെന്ന് ഫ്രാൻസ് ബോസ് ദിദിയർ ദെഷാംപ്സ് സ്ഥിരീകരിച്ചു.
ഈ ഇന്റർനാഷണൽ ഇടവേള മുതൽ മൈഗ്നൻ ഫ്രാൻസിന്റെ ആദ്യ ഗോൾകീപ്പറായി മാറുമെന്ന് ദെഷാംപ്സ് തിങ്കളാഴ്ച പത്രസമ്മേളനത്തിൽ സ്ഥിരീകരിച്ചു.
“നമ്പർ 1 റോളിൽ മൈക്ക് മൈഗ്നനാണ് ഇനി ഉണ്ടവുക” പരിശീലകൻ പറഞ്ഞു. “എന്നാൽ ഞാൻ ഇത് മറ്റുള്ളവരുമായി ചർച്ച ചെയ്യും. ജൂണിൽ ഇത് വ്യത്യസ്തമായേക്കാം. രണ്ടാമത്തെയും മൂന്നാമത്തെയും ചോയ്സ് കീപ്പർമാർക്കും അവസരമുണ്ടാകും” ദെഷാംസ് പറഞ്ഞു.