ഇന്റർ മിയാമിയിൽ ലയണൽ മെസ്സി പ്രീസീസൺ പരിശീലനം ആരംഭിച്ചു. ഇന്റർ മയാമിയുടെ പ്രീസീസൺ ഔദ്യോഗികമായി ആരംഭിക്കുന്നതിന് ഒരു ദിവസം മുമ്പാണ് മെസ്സി പരിശീലനം ആരംഭിച്ചിരിക്കുന്നത്. മെസ്സി മാത്രമല്ല മുൻ ബാഴ്സലോണ താരങ്ങളായ ബുസ്കറ്റ്സ്, ആൽബ, പുതിയ സൈനിംഗ് സുവാരസ് എന്നിവരും ഇന്ന് പരിശീലനത്തിന് എത്തി.
മെസ്സിയും സുവാരസും മറ്റു താരങ്ങളും ഉള്ള പരിശീലന ചിത്രങ്ങൾ ഇന്റർ മയാമി ഇന്ന് പങ്കുവെച്ചു. അവസാനമായി നവംബറിൽ ആണ് മെസ്സി ഒരു മത്സരം കളിച്ചത്. ഇനി മെസ്സി ജനുവരി 19ന് ഇന്റർ മയാമിയുടെ ആദ്യ പ്രീസീസൺ മത്സരത്തിൽ കളിക്കും. ഈ മാസം അവസാനം ഇന്റർ മയാമി സൗദി അറേബ്യയിലേക്കും യാത്ര ചെയ്യും.