ലയണൽ മെസ്സി അർജന്റീനക്ക് ആയി കളിക്കുന്നത് തുടരണം എന്ന് ഹൂലിയൻ ആൽവാരസ്. 2022 ലോകകപ്പ് വിജയം മെസ്സിക്ക് ഒപ്പം ആവർത്തിക്കാൻ അർജന്റീനക്ക് ആകും എന്നും ആൽവാരസ്
പറയുന്നു. ലയണൽ മെസ്സി ആഗ്രഹിക്കുന്നിടത്തോളം കാലം അർജൻ്റീനയ്ക്കായി കളിക്കുന്നത് അദ്ദേഹം തുടരണമെന്ന് മാഞ്ചസ്റ്റർ സിറ്റിയുടെ അർജൻ്റീന ഫോർവേഡ് ഹൂലിയൻ അൽവാരസ് പറഞ്ഞു.
“കളി തുടരുന്നത് അദ്ദേഹത്തെ ആശ്രയിച്ചിരിക്കും, പക്ഷേ മെസ്സി ആഗ്രഹിക്കുന്നുവെങ്കിൽ അദ്ദേഹത്തിന് അത് സുഖകരമായി ചെയ്യാൻ കഴിയുമെന്ന് ഞാൻ കരുതുന്നു,” അൽവാരസ് മെസ്സിയുടെ അർജൻ്റീന ഭാവിയെക്കുറിച്ച് പറഞ്ഞു.
“ഞാൻ വളർന്നു വരുമ്പോൾ മെസ്സി എൻ്റെ ആരാധ്യനായ കഥാപാത്രമായിരുനു, സീനിയർ ടീമിനൊപ്പം പരിശീലന സെഷനുകളിൽ പങ്കെടുക്കുന്നതിനിടയിൽ ഞാൻ മെസ്സിയോട് ഒരു ഫോട്ടോ ആവശ്യപ്പെട്ടത് ഞാൻ ഓർക്കുന്നു,” അൽവാരസ് കൂട്ടിച്ചേർത്തു.