റയൽ മാഡ്രിഡ് പുതിയ സ്ട്രൈക്കർ കിലിയൻ എംബപ്പെയ്ക്ക് ഒരു സീസണിൽ അമ്പതിൽ കൂടുതൽ ഗോൾ അടിക്കാൻ ആകും എന്ന് ആഞ്ചലോട്ടി. എംബപ്പെ ഇന്നലെ യുവേഫ സൂപ്പർ കപ്പിൽ കളിച്ചു കൊണ്ട് തന്റെ റയൽ മാഡ്രിഡ് കരിയർ ആരംഭിച്ചിരുന്നു. ആദ്യ മത്സരത്തിൽ തന്നെ ഗോൾ അടിക്കാനും കിരീടം സ്വന്തമാക്കാനും എംബപ്പെക്ക് ആയി.
എംബപ്പെക്ക് സീസണിൽ 50 ഗോൾ അടിക്കാൻ ആകുമോ എന്ന മാധ്യമങ്ങളുടെ ചോദ്യത്തിന് മറുപടി നൽകുക ആയിരുന്നു ആഞ്ചലോട്ടി. എംബപ്പെയ്ക്ക് തീർച്ചയായും 50 ഗോളുകൾ അടിക്കാൻ ആകും. അദ്ദേഹത്തിന് 50ൽ കൂടുതൽ ഗോൾ അടിക്കാനുള്ള കഴിവ് ഉണ്ട് എന്ന് ആഞ്ചലോട്ടി മറുപടി ആയി പറഞ്ഞു.