റൂബൻ അമോറിം മുഖ്യപരിശീലകനായി എത്തുന്നത് ക്ലബ്ബിൽ നല്ല മാറ്റമുണ്ടാക്കുമെന്ന് മാഞ്ചസ്റ്റർ യുണൈറ്റഡ് ക്യാപ്റ്റൻ ബ്രൂണോ ഫെർണാണ്ടസ് പ്രതീക്ഷിക്കുന്നു. “ചിലപ്പോൾ ഒരു വ്യക്തിക്ക് ഒരു സ്ഥലത്തിൻ്റെ ഊർജ്ജം മാറ്റാൻ കഴിയും, അത് ശരിയായ നിമിഷമാണെങ്കിൽ,” അമോറിമിൻ്റെ ഊർജ്ജവും ഗുണങ്ങളും ടീമിലെ കാര്യങ്ങൾ മാറ്റാൻ സഹായിക്കുമെന്ന് ബ്രൂണോ പറഞ്ഞു.
നാല് സീസണുകളിലായി സ്പോർട്ടിംഗിനെ രണ്ട് ലീഗ് കിരീടങ്ങളിലേക്ക് നയിച്ച അമോറിം തിങ്കളാഴ്ച യുണൈറ്റഡിൻ്റെ കാരിംഗ്ടൺ പരിശീലന സമുച്ചയത്തിൽ എത്തി ചുമതലയേറ്റു. അമോറിമിൻ്റെ സമീപനം ടീമിന് വിജയങ്ങൾ കൊണ്ടുവരുമെന്ന് ഫെർണാണ്ടസ് പറഞ്ഞു. ൽ
അദ്ദേഹം പോർച്ചുഗലിൽ അത്ഭുതങ്ങൾ കാണിച്ചു. കിരീടങ്ങൾ ഇല്ലാതിരുന്ന സ്പോർടിംഗിനെ ലീഗ് കിരീടത്തിലേക്ക് നയിച്ചു. സ്പോർടിംഗിനെ അവർ അർഹിച്ച നിലയിലേക്ക് എത്തിച്ചു. അതുപോലെ മാഞ്ചസ്റ്റർ യുണൈറ്റഡിനെയും അർഹിച്ച സ്ഥലത്തേക്ക് എത്തിക്കാൻ അമോറിമിന് ആകും എന്നാണ് പ്രതീക്ഷ. ബ്രൂണോ പറഞ്ഞു.