ബയേൺ മ്യൂണിക്കിന്റെ ക്യാപ്റ്റനും ഇതിഹാസ ഗോൾകീപ്പറുമായ മാനുവൽ ന്യൂയർ ഒരു വർഷത്തെക്ക് കൂടെ കരാർ നീട്ടി. അദ്ദേഹം 2026 ജൂൺ വരെ ക്ലബ്ബിൽ തുടരും. 2011 ൽ ബയേണിൽ ചേർന്ന 38 കാരനായ അദ്ദേഹം അവർക്ക് ഒപ്പം 15-ാം സീസണിലേക്ക് കടക്കും.
ബയേണിൽ (2013, 2020) രണ്ടുതവണ ട്രെബിൾ ജേതാവായ ന്യൂയർ കരാർ ഒപ്പുവെച്ച ശേഷം സംസാരിച്ചു: “ഇവിടെ കൂടുതൽ കിരീടങ്ങൾ നേടാൻ ഞാൻ ഇപ്പോഴും ആഗ്രഹിക്കുന്നു. ഈ ക്ലബ് സവിശേഷമാണ്, നമുക്ക് കീഴടക്കാൻ ഇനിയും ധാരാളം കാര്യങ്ങളുണ്ട്.” അദ്ദേഹം പറഞ്ഞു.
ബയേണിനായി 547 മത്സരങ്ങളിൽ കളിച്ച ജർമ്മൻ താരം 11 ബുണ്ടസ്ലിഗ കിരീടങ്ങളും, ആറ് ഡിഎഫ്ബി കപ്പുകളും, ജർമ്മനിക്കൊപ്പം 2014 ഫിഫ ലോകകപ്പും നേടിയിട്ടുണ്ട്.