സാഡിയോ മാനെ നീണ്ട കാലത്തെ പരിക്കിന് ശേഷം തിരികെയെത്തി. താരം ബയേൺ മ്യൂണിക്കിനൊപ്പം പരിശീലനം പുനരാരംഭിച്ചു. ലോകകപ്പിന് തൊട്ടു മുമ്പ് ആയിരുന്നു മാനെക്ക് പരിക്കേറ്റത്. സെനഗലിനൊപ്പം ലോകകപ്പ് അദ്ദേഹത്തിന് നഷ്ടമായി. ഇമി ഏകദേശം മൂന്നാഴ്ച കൊണ്ട് മാനെ മാച്ച് സ്ക്വാഡിൽ എത്തും എന്നാണ് പ്രതീക്ഷ. ഫെബ്രുവരി 14ന് പാരീസിൽ വെച്ച് നടക്കുന്ന പി എസ് ജിക്ക് എതിരായ ചാമ്പ്യൻസ് ലീഗ് പ്രീക്വാർട്ടർ ഫൈനൽ ആദ്യ പാദം ആകും മാനെയുടെ ലക്ഷ്യം. അത് നടന്നില്ല എങ്കിൽ അതിനു പിന്നാലെ വരുന്ന ബൊറൂസിയ മോൺചെൻഗ്ലാഡ്ബാച്ചിന് എതിരായ മത്സരത്തിൽ മാനെ കളിക്കും.
ലിവർപൂളിൽ നിന്ന് 32 മില്യൺ യൂറോയ്ക്ക് ജർമ്മനിയിലേക്ക് മാറിയതിനു ശേഷം, ബയേൺ മ്യൂണിക്കിനായി മാനെ 23 മത്സരങ്ങളിൽ നിന്ന് 11 ഗോൾ നേടുകയും നാൽ അസിസ്റ്റ് സൃഷ്ടിക്കുകയും ചെയ്തിരുന്നു.