മാഞ്ചസ്റ്റർ സിറ്റി മാനേജർ പെപ് ഗ്വാർഡിയോള തന്റെ ക്ലബ്ബിലെ തന്റെ ഭാവിയെക്കുറിച്ചുള്ള ഊഹാപോഹങ്ങൾക്ക് വിരാമമിട്ടു. അടുത്ത വർഷവും താം ഇവിടെ തന്നെ കാണും എന്ന് പെപ് പറഞ്ഞു. മാഞ്ചസ്റ്റർ സിറ്റി ചാമ്പ്യൻസ് ലീഗ് കിരീടം നേടിയാൽ പെപ് ഗ്വാർഡിയോള സൊറ്റൊ വിടും എന്ന് ചില അഭ്യൂഹങ്ങൾ ഉയർന്നിരുന്നു. ഇതിനു കൂടിയുള്ള മറുപടിയായാണ് ഗ്വാർഡിയോള താൻ ഇവിടെ തുടരും എന്ന് പറഞ്ഞത്.
“ഞാൻ അടുത്ത സീസണിൽ മാൻ സിറ്റിയിൽ തുടരും. ക്ലബ് വിടുന്നതിനെക്കുറിച്ച് ഞാൻ ചിന്തിക്കുന്നില്ല. ഞങ്ങൾക്കെതിരായ പ്രീമിയർ ലീഗിലെ 100 ലംഘനങ്ങൾ എന്ന ആരോപണങ്ങൾക്ക് എതിരെ പൊരുതി കൊണ്ട് ഞാൻ അടുത്ത സീസണിൽ തുടരും” ഗാർഡിയോള പറഞ്ഞു. മാഞ്ചസ്റ്റർ സിറ്റിക്ക് എതിരായ എഫ് എയുടെ അന്വേഷണത്തിൽ അടുത്ത സീസണ് ഇടയിൽ വിധി വരും എന്നാണ് പ്രതീക്ഷിക്കപ്പെടുന്നത്. വിധി എതിരായാൽ ക്ലബ് വിടും എന്ന് നേരത്തെ ഗ്വാർഡിയോള പറഞ്ഞിരുന്നു എങ്കിലും അദ്ദേഹം ഇപ്പോൾ അത്തരം ഒരു നിലപാടിൽ അല്ല ഉള്ളത്.
പ്രീമിയർ ലീഗ് കിരീടം ഉറപ്പിച്ച ഗാർഡിയോളയും ടീമും ഇപ്പോൾ വരാനിരിക്കുന്ന എഫ്എ കപ്പിലെയും ചാമ്പ്യൻസ് ലീലെയും ഫൈനലുകളിലേക്കു ശ്രദ്ധ തിരിച്ചിരിക്കുകയാണ്.