ഒടുവിൽ പി എസ് ജിക്ക് പുതിയ പരിശീലകൻ. ലൂയിസ് എൻറിക്വെ ആകും പി എസ് ജി പരിശീലകനായി എത്തുന്നത്. പി എസ് ജിയും ലൂചയുമായി കരാർ ധാരണയിൽ എത്തിയതായി ഫബ്രിസിയോ റൊമാനോ റിപ്പോർട്ട് ചെയ്യുന്നു. രണ്ടു വർഷത്തെ കരാറാകും ലൂയി എൻറികെ ഒപ്പുവെക്കുക. ഗാൾട്ടിയർ ക്ലബ് വിടുന്നതിനു പിന്നാലെ എൻറികെയുടെ വരവ് പി എസ് ജി പ്രഖ്യാപിക്കും.
നേരത്തെ നാഗെൽസ്മാൻ, ജോസെ, എന്ന് തുടങ്ങി നിരവധി പരിശീലകരുമായി പി എസ് ജി ചർച്ചകൾ നടത്തിയിരുന്നു. അവസാനമാണ് അവർ എൻറികെയിൽ എത്തിയത്. സ്പെയിൻ ദേശീയ ടീം പരിശീലകനായാണ് അവസാനം എൻറികെ പ്രവർത്തിച്ചത്. മുമ്പ് ബാഴ്സലോണയെയും പരിശീലിപ്പിച്ചിട്ടുണ്ട്. ബാഴ്സലോണ പരിശീലകനായിരിക്കെ ചാമ്പ്യൻസ് ലീഗ് അടക്കം ഒമ്പത് കിരീടങ്ങൾ എൻറികെ നേടിയിട്ടുണ്ട്.