സൗദി പ്രോ ലീഗ് ക്ലബ്ബായ അൽ-നസർ ലിവർപൂൾ മുന്നേറ്റനിര താരം ലൂയിസ് ഡയസിനെ സ്വന്തമാക്കാൻ ശ്രമിക്കുന്നു. കൊളംബിയൻ ഇന്റർനാഷണൽ താരമായ ഡയസ് വരാനിരിക്കുന്ന സമ്മർ ട്രാൻസ്ഫർ ജാലകത്തിൽ ലിവർപൂൾ വിടാൻ ശ്രമിക്കുന്നുണ്ട്.
ഡയസ് ഈ സീസണിൽ ലിവർപൂളിൻ്റെ കിരീടനേട്ടത്തിൽ നിർണായക പങ്കുവഹിച്ചിരുന്നു. നിലവിൽ രണ്ട് വർഷത്തെ കരാർ ബാക്കിയുണ്ടെങ്കിലും ഇതുവരെ ലിവർപൂളുമായി പുതിയ കരാർ ചർച്ചകൾ ഒന്നും ആരംഭിച്ചിട്ടില്ല. ബാഴ്സലോണയും ഡയസിനായി രംഗത്തുണ്ട്.
അൽ നസർ ഇപ്പോൾ റൊണാൾഡോയെ നിലനിർത്താനുള്ള ശ്രമങ്ങളിലാണ്. അത് കഴിഞ്ഞാൽ അവർ സ്ക്വാഡ് ശക്തമാക്കാനുള്ള സൈനിംഗുകളും നടത്തും.