ഇന്ത്യൻ വനിതാ ലീഗിൽ കേരള ക്ലബായ ലോർഡ്സ് എഫ് എക്ക് ആദ്യ പരാജയം. ഇന്ന് ട്രാൻസ്സ്റ്റേഡിയയിൽ നടന്ന ഗ്രൂപ്പ് ബി പോരാട്ടത്തിൽ ലോർഡ്സ് എഫ്എ കൊച്ചിയെ 4-1 ന് സേതു മധുരൈ ആണ് തോൽപ്പിച്ചത്. സേതു എഫ് സിയുടെ തുടർച്ചയായ രണ്ടാം വിജയമാണിത്. സേതുവിനായി കാജോൾ ഡിസൂസയുടെ ഇരട്ടഗോളും സുമിതാ കുമാരി, നവോറെം പ്രിയങ്ക ദേവി എന്നിവർ ഒരോ ഗോളും നേടി. ലോർഡ്സിനായി സേതു കമില്ല റോഡ്രിഗസ് ആണ് ഗോൾ നേടിയത്.
ലോർഡ്സ് ആദ്യ മത്സരത്തിൽ സെൽറ്റിക് ക്വീൻസിനെ പരാജയപ്പെടുത്തിയിരുന്നു. ഇനി മെയ് മൂന്നാം തീയതി സി ആർ പി എഫിനെ ആകും ലോർഡ്സ് നേരിടുക.