ചെൽസിയിലേക്കില്ല, അർജന്റീന താരം പി.എസ്.ജിയിൽ

Photo: PSG
- Advertisement -

അർജന്റീന മിഡ്ഫീൽഡർ ലിയനാർഡോ പാരഡേസിനെ സ്വന്തമാക്കി പി.എസ്.ജി. ഈ ട്രാൻസ്ഫർ വിൻഡോയിൽ മൊണാകോയിലേക്ക് പോയ ഫാബ്രിഗസിനു പകരക്കാരനായി ചെൽസി സ്വന്തമാക്കുമെന്ന് കരുതപ്പെട്ടിരുന്ന താരമാണ് ലിയനാർഡോ പാരഡേസ്. എന്നാൽ താരത്തെ പി.എസ്.ജി സ്വന്തമാക്കുകയായിരുന്നു. റഷ്യൻ ക്ലബായ സെനിത് സെന്റ് പീറ്റേഴ്സ്ബർഗിൽ നിന്നാണ്  24കാരനായ ലിയനാർഡോ പാരഡേസ് പാരിസിൽ എത്തുന്നത്.

നാലര വർഷത്തെ കരാറാണ് താരവും പി.എസ്.ജിയും തമ്മിലുള്ളത്. ഏകദേശം 35 മില്യൺ പൗണ്ടിനാണ് ലിയനാർഡോ പാരഡേസിനെ പി.എസ്.ജി സ്വന്തമാക്കിയത്. അർജന്റീനക്ക് വേണ്ടി 9 മത്സരങ്ങളിൽ താരം ബൂട്ട് അണിഞ്ഞിട്ടുണ്ട്. 2017ലാണ് പാരഡേസ് സെനിത്തിൽ എത്തുന്നത്. അതിനു മുൻപ് ബൊക്ക ജൂനിയർസ്, റോമാ, എംപോളി എന്നി ടീമുകൾക്ക് വേണ്ടിയും താരം കളിച്ചിട്ടുണ്ട്.

Advertisement