ദൈവമാണ് തന്നെ വലിയ പരിക്കിൽ നിന്ന് രക്ഷിച്ചതെന്ന് നെയ്മർ

20201210 135403
- Advertisement -

ദൈവമാണ് തന്നെ വലിയ പരിക്കിൽ നിന്ന് രക്ഷിച്ചതെന്ന് പി.എസ്.ജിയുടെ ബ്രസീലിയൻ സൂപ്പർ സ്റ്റാർ നെയ്മർ. ലിയോണിനെതിരായ ലീഗ് 1 മത്സരത്തിൽ ഗുരുതര പരിക്കേറ്റ നെയ്മർ കരഞ്ഞുകൊണ്ടാണ് ഗ്രൗണ്ട് വിട്ടത്. ലിയോൺ താരം തിയാഗോ മെൻഡസിന്റെ ടാക്കിളിൽ ആണ് നെയ്മറിന് പരിക്കേറ്റത്. എന്നാൽ താരത്തിന്റെ പരിക്ക് നേരത്തെ കരുതിയ അത്ര ഗുരുതരമല്ലെന്ന് പി.എസ്.ജി വ്യക്തമാക്കി.

നേരത്തെ താരത്തിന്റെ ആംഗിളിനു പൊട്ടൽ ഉണ്ടെന്ന് കരുതിയിരുന്നെങ്കിലും താരത്തിന്റെ ആംഗിളിനു പൊട്ടൽ ഇല്ലെന്ന് പി.എസ്.ജി സ്ഥിരീകരിക്കുകയായിരുന്നു. ഇതിന് ശേഷമാണ് സോഷ്യൽ മീഡിയയിൽ ദൈവമാണ് തന്നെ വലിയ പരിക്കിൽ നിന്ന് രക്ഷിച്ചതെന്ന് പറഞ്ഞ് നെയ്മർ രംഗത്തെത്തിയത്. തന്റെ പരിക്ക് ഇതിനേക്കാൾ ഗുരുതരമാവുമായിരുന്നെന്നും വേദന കൊണ്ടും ഭയം കൊണ്ടുമാണ് താൻ കരഞ്ഞതെന്നും നെയ്മർ വെളിപ്പെടുത്തി.

Advertisement