മുൻ റോമ പരിശീലകൻ പൗലോ ഫോൻസെക ലില്ലേയുമായി നടത്തി വരുന്ന ചർച്ചകൾ അവസാന ഘട്ടത്തിലേക്ക്. കരാർ ഒപ്പിടുന്നതോടെ മുൻ ഫ്രഞ്ച് ചാംപ്യന്മാരെ പരിശീലിപ്പിക്കാൻ പോർച്ചുഗീസുകാരൻ എത്തും.
2021ൽ എഎസ് റോമയിൽ നിന്നും പുറത്തു വന്ന ശേഷം മറ്റു ടീമുകളെ അദ്ദേഹം പരിശീലിപ്പിച്ചിരുന്നില്ല. മുൻപ് ശക്തർ ഡോനെസ്ക്, പോർട്ടോ എന്നീ ടീമുകളെയും പരിശീലിപ്പിച്ചിട്ടുണ്ട്.
2020ൽ ലീഗ് ചാമ്പ്യന്മാരായ ലില്ലേ ഇത്തവണ പത്താം സ്ഥാനം മാത്രം എത്തിയതോടെയാണ് നിലവിലെ മാനേജർ ജെസീലിൻ ഗോവെനെകിനെ പുറത്താക്കാൻ തീരുമാനിച്ചത്.2020-21 സീസണിൽ കിരീടം നേടിയ ശേഷം സ്ഥാനം ഒഴിഞ്ഞ ഗാൾട്ടിയറിന് പകരക്കാരൻ ആയാണ് ഗോവെനെക് ലില്ലേയിൽ എത്തിയത്. പക്ഷെ കിരീടം നേടിയ സീസണിലെ മികവ് ആവർത്തിക്കാൻ ടീമിനായില്ല.
യൂറോപ്പിലെ വിവിധ ലീഗുകളിൽ പരിശീലിപ്പിച്ചു പരിചയം ഉള്ള നാല്പത്തിയൊമ്പത്കാരന് ടീമിനെ കിരീടങ്ങളിലേക്ക് നയിക്കാൻ കഴിയുമെന്ന് മാനേജ്മെന്റ് കണക്ക് കൂട്ടുന്നു.
