ബെൽജിയം മധ്യനിര താരം ഫ്രഞ്ച് ലീഗ് വണ്ണിൽ നിന്നു വെസ്റ്റ് ഹാമിലേക്ക്

ഫ്രഞ്ച് ലീഗ് വൺ ടീം ആയ ലില്ലെയിൽ നിന്നു ബെൽജിയം മധ്യനിര താരം അമഡൗ ഒനാന വെസ്റ്റ് ഹാം യുണൈറ്റഡിലേക്ക്. നേരത്തെ വെസ്റ്റ് ഹാമിന്റെ ഓഫർ നിരസിച്ച ഫ്രഞ്ച് ക്ലബ് നിലവിൽ പുതിയ ഓഫർ സ്വീകരിച്ചു എന്നാണ് സൂചനകൾ. ഏതാണ്ട് 40 മില്യൺ യൂറോക്ക് ആവും താരം ലണ്ടനിൽ എത്തുക.

നിലവിൽ താരവും ആയി ഇതിനകം ധാരണയിൽ എത്തിയ വെസ്റ്റ് ഹാം 2027 വരെയുള്ള കരാർ ആണ് താരവും ആയി ഒപ്പ് വക്കുക എന്നാണ് സൂചന. ഉയർന്ന ശാരീരിക ക്ഷമതയും മികച്ച കളി മികവും ഉള്ള താരത്തിന് പ്രീമിയർ ലീഗിൽ തിളങ്ങാൻ ആവും എന്നു തന്നെയാണ് വെസ്റ്റ് ഹാം പ്രതീക്ഷ. കഴിഞ്ഞ സീസണിൽ ക്ലബ് വിട്ട ക്ലബ് ഇതിഹാസം മാർക് നോബിളിനു അടക്കം പകരക്കാരനായി ആവും താരം വെസ്റ്റ് ഹാമിൽ എത്തുക.