സിദാന്റെ അപ്രതീക്ഷിത വിടവാങ്ങലിൽ ആശംസകളുമായി റയൽ മാഡ്രിഡ് താരങ്ങൾ. ട്വിറ്ററിലൂടെയാണ് റയൽ മാഡ്രിഡ് ക്യാപ്റ്റൻ സെർജിയോ റാമോസ് അടക്കം പ്രമുഖ താരങ്ങളെല്ലാം പ്രതികരണങ്ങളുമായി എത്തിയത്. കളിക്കാരനായപ്പോഴും പരിശീലകനായപ്പോഴും തന്റെ ഏറ്റവും മികവിൽ നിന്ന് വിടപറയുകയാണ് സിദാൻ ചെയ്തത് എന്നും രണ്ടര വർഷത്തെ പരിശീലനത്തും സൗഹൃദ ബന്ധത്തിനു നന്ദി പറയുന്നു എന്നും ക്യാപ്റ്റൻ റാമോസ് പറഞ്ഞു.
ഈ കഴിഞ്ഞ രണ്ടു വർഷം ക്ലബിന്റെ ചരിത്രത്തിലെ തന്നെ ഏറ്റവും മികച്ച കാലഘട്ടമാണെന്നും സെർജിയോ റാമോസ് പറഞ്ഞു. സിദാന്റെ കീഴിയിൽ ക്യാപ്റ്റനായി മൂന്നു ചാമ്പ്യൻസ് ലീഗ് കിരീടങ്ങൾ റാമോസ് ഉയർത്തിയിരുന്നു. സിദാൻ പോയാലും സിദാന്റെ സംഭാവനകൾ ക്ലബിന്റെ കൂടെ എന്നുമുണ്ടാകുമെന്നും റാമോസ് പറഞ്ഞു.
Míster, como jugador y ahora como entrenador, decidiste despedirte en lo más alto. Gracias por dos años y medio de fútbol, trabajo, cariño y amistad. Te vas pero tu legado ya es imborrable. Uno de los capítulos mas exitosos de la historia de nuestro querido @realmadrid pic.twitter.com/LtyEE5g71k
— Sergio Ramos (@SergioRamos) May 31, 2018
കൂടുതൽ കായിക വാർത്തകൾക്ക് : www.facebook.com/FanportOfficial
