റയൽ മാഡ്രിഡിന്റെ യുവ സെൻസേഷൻ വിനീഷ്യസ് ജൂനിയർ തന്റെ കരിയർ മുഴുവൻ ക്ലബ്ബിൽ തുടരാൻ ആഗ്രഹിക്കുന്നു എന്ന് പറഞ്ഞു. യുവേഫ ചാമ്പ്യൻസ് ലീഗ് ക്വാർട്ടർ ഫൈനൽ ആദ്യ പാദത്തിൽ ചെൽസിക്കെതിരായ റയൽ മാഡ്രിഡിന്റെ 2-0 വിജയത്തിൽ നിർണായക പങ്ക് വഹിച്ച 22 കാരനായ ബ്രസീലിയൻ വിംഗർ, റയൽ മാഡ്രിഡ് ലോകത്തിലെ ഏറ്റവും മികച്ച ക്ലബ്ബാണെന്നും ഇവിടെ എന്നേക്കുമായി തുടരാൻ ആഗ്രഹിക്കുന്നുവെന്നും പറഞ്ഞു.
“എക്കാലവും റയൽ മാഡ്രിഡിൽ തുടരാൻ ഞാൻ ആഗ്രഹിക്കുന്നു. ഇതാണ് ലോകത്തിലെ ഏറ്റവും മികച്ച ക്ലബ്ബ്,” വിനീഷ്യസ് പറഞ്ഞു. “ചാമ്പ്യൻസ് ലീഗിൽ കളിക്കുക എന്നത് ഒരു പ്രത്യേകതയാണ്. എന്നെ എന്നെന്നേക്കുമായി ഇവിടെ നിലനിർത്തുന്ന ഒരു കരാർ ഒപ്പിടബ്ബം എന്ന് ഞാൻ ആഗ്രഹിക്കുന്നു. ലോകത്തിലെ ഏറ്റവും മികച്ച ക്ലബ്ബാണ് റയൽ മാഡ്രിഡ്.” വിനീഷ്യസ് ആവർത്തിച്ചു.
ചെൽസിക്കെതിരായ മത്സരത്തിൽ രണ്ട് അസിസ്റ്റ് നൽകുകയും കളിയിലെ താരമായി തിരഞ്ഞെടുക്കപ്പെടുകയും ചെയ്ത വിനീഷ്യസ് റയൽ മാഡ്രിഡിക് ഇതുവ്രെ 215 മത്സരങ്ങൾ കളിച്ചിട്ടുണ്ട്. 57 ഗോളുകളും 59 അസിസ്റ്റുകളും നേടി. ക്ലബ്ബിനൊപ്പം ഇതുവരെ എട്ട് ട്രോഫികളും താരം നേടിയിട്ടുണ്ട്