വിയ്യറയലിന്റെ പതനം തുടരുന്നു, സെവിയ്യ ജയത്തോടെ ലാലിഗയിൽ രണ്ടാമത്

20211204 205931

വിയ്യറയലിന്റെ ഈ സീസണിലെ ദയനീയ ഫോം തുടരുന്നു. ഇന്ന് സെവിയ്യക്ക് മുന്നിലും വിയ്യറയൽ പരാജയപ്പെട്ടു. സെവിയ്യയുടെ ഹോം ഗ്രൗണ്ടിൽ നടന്ന മത്സരത്തിൽ എതിരില്ലാത്ത ഒരു ഗോളിനാണ് സെവിയ്യ വിജയിച്ചത്. വിയ്യറയൽ ഈ സീസണിൽ ഒരു എവേ മത്സരം പോലും വിജയിച്ചിട്ടില്ല. ഇന്ന് കളിയുടെ 16ആം മിനുട്ടിൽ അകുനയുടെ പാസിൽ നിന്ന് ഒകാമ്പസ് ആണ് സെവിയ്യയുടെ വിജയ ഗോൾ നേടിയത്. ഈ വിജയം സെവിയ്യയെ ലാലിഗയിൽ രണ്ടാം സ്ഥാനത്തേക്ക് ഉയർത്തി. 15 മത്സരങ്ങളിൽ നിന്ന് 31 പോയിന്റ് ആണ് സെവിയ്യക്ക് ഉള്ളത്. സീസണിൽ ഇതുവരെ ആകെ മൂന്ന് വിജയം മാത്രം ഉള്ള വിയ്യറയൽ 16 പോയിന്റുമായി 12ആം സ്ഥാനത്ത് നിൽക്കുകയാണ്.

Previous article“ആഗ്രഹിക്കുന്ന ഫലം കിട്ടാൻ കേരള ബ്ലാസ്റ്റേഴ്സ് ഇനിയും കഠിനാധ്വാനം ചെയ്യണം”
Next articleഅവസാന നിമിഷം നോർത്ത് ഈസ്റ്റിന് ജയം, ഗോവക്ക് വീണ്ടും പരാജയം