പരിക്ക് ബാഴ്സലോണയെ വേട്ടയാടുകയാണ്. അവരുടെ സ്റ്റാർ ഗോൾകീപ്പർ മാർക്ക്-ആന്ദ്രെ ടെർ സ്റ്റെഗന് ഇന്ന് വലതു കാൽമുട്ടിന് ഗുരുതരമായി പരിക്കേറ്റത് ബാഴ്സലോണക്ക് വൻ തിരിച്ചടിയായി. ഒരു കോർണർ പ്രതിരോധിക്കാൻ ശ്രമിക്കുന്നതിനിടെ ലാൻഡിംഗിൽ വന്ന പിഴവ് ആണ് പരിക്കായി മാറിയത്.
ആദ്യ റിപ്പോർട്ടുകൾ സൂചിപ്പിക്കുന്നത് പരിക്ക് ടെർ സ്റ്റേഗൻ ഏഴ് മുതൽ ഒമ്പത് മാസം വരെ പുറത്തിരിക്കേണ്ടി വരും എന്നാണ്. കൂടുതൽ വിലയിരുത്തലിനായി അദ്ദേഹത്തെ ആശുപത്രിയിലേക്ക് മാറ്റി.
ബാക്കപ്പ് ഗോൾകീപ്പർ ഇനാക്കി പെനയെ ബാഴ്സലോണ ഇനി ആശ്രയിക്കേണ്ടി വരും, ജനുവരി ട്രാൻസ്ഫർ വിൻഡോയിൽ പുതിയ ഗോൾകീപ്പർ സൈനിംഗിനെക്കുറിച്ചുള്ള തീരുമാനം ബാഴ്സലോണ എടുക്കും.