ബാഴ്സലോണയുടെ യുവതാരമായ റെയ് മനാജ് ക്ലബ് വിട്ടു. താരം ഇറ്റാലിയൻ ക്ലബായ സ്പെസിയയിലേക്ക് ആണ് പോയത്. തുടക്കത്തിൽ ഒരു വർഷം ലോണിൽ ആണ് 24കാരൻ പോകുന്നത്. അടുത്ത സമ്മറിൽ 3 മില്യൺ യൂറോ നൽകിയാൽ ഇറ്റാലിയൻ ക്ലബിന് താരത്തെ സ്വന്തമാക്കാം. താരത്തിന്റെ വേതനം സ്പെസിയ ആകും നൽകുന്നത്. താരം രണ്ട് സീസൺ മുമ്പായിരുന്നു ബാഴ്സലോണയിൽ എത്തിയത്. മുമ്പ് ഇറ്റലിയിൽ ഇന്റർ മിലാന് വേണ്ടി കളിച്ചിട്ടുണ്ട്. അൽബേനിയ ദേശീയ ടീം അംഗം കൂടിയാണ്.