ലാലിഗയിൽ ഒരിക്കൽ കൂടെ റയൽ മാഡ്രിഡിന്റെ തിരിച്ചുവരവ്. ഇന്ന് ലാലിഗയിൽ എവേ മത്സരത്തിൽ ലാസ് പാമാസിനെ നേരിട്ട റയൽ മാഡ്രിഡ് ഒന്നിനെതിരെ രണ്ടു ഗോളുകൾക്ക് ആണ് വിജയിച്ചത്. തുടക്കത്തിൽ ഒരു ഗോളിന് പിറകിൽ പോയ ശേഷമായിരുന്നു റയലിന്റെ വിജയം. 53ആം മിനുട്ടിൽ ഹാവിയർ മുനുസിന്റെ ഗോളിലൂടെ ആണ് പാൽമസ് ലീഡ് എടുത്തത്.
65ആം മിനുട്ടിൽ വിനീഷ്യസ് ജൂനിയറിന്റെ ഗോളിൽ റയൽ മാഡ്രിഡ് സമനില പിടിച്ചു. കാമവിംഗയുടെ അസിസ്റ്റിൽ നിന്നായിരുന്നു വിനീഷ്യസിന്റെ ഗോൾ. 84ആം മിനുട്ടിൽ ഒരു കോർണറിൽ നിന്ന് റയൽ മാഡ്രിഡ് ലീഡും എടുത്തു. ക്രൂസിന്റെ ഒരു കോർണറിൽ നിന്ന് ബർത്ഡേ ബോയ് ചൗമനിയാണ് റയലിന്റെ വിജയ ഗോളായി മാറി.
ഈ വിജയത്തോടെ 21 മത്സരങ്ങളിൽ നിന്ന് 54 പോയിന്റുമായി റയൽ മാഡ്രിഡ് ലീഗിൽ ഒന്നാമത് നിൽക്കുകയാണ്. ലാസ് പാമാസ് എട്ടാം സ്ഥാനത്താണ്