വലൻസിയക്ക് എതിരായ മത്സരത്തിൽ വിനീഷ്യസ് ജൂനിയറിന് നേരിട്ട വംശീയ അധിക്ഷേപങ്ങൾക്ക് എതിരെ അറ്റോർണി ജനറലിന്റെ ഓഫീസിൽ കേസ് നൽകി റയൽ മാഡ്രിഡ്. വ്യക്തമായ രീതിയിൽ വംശീയമായി തങ്ങളുടെ താരം അധിക്ഷേപങ്ങൾക്ക് വിധേയമായത് ആയി പറഞ്ഞ മാഡ്രിഡ് മുൻവിധി ഇല്ലാത്ത അന്വേഷണം നടക്കും എന്നു പ്രതീക്ഷിക്കുന്നത് ആയും പറഞ്ഞു.
‘ഹേറ്റ് ക്രമിനു’ ആണ് വിനീഷ്യസ് വിധേയമായത് എന്നു പറഞ്ഞ മാഡ്രിഡ് ശക്തമായ നടപടികൾ പ്രതീക്ഷിക്കുന്നത് ആയും പറഞ്ഞു. അതിരൂക്ഷമായ ഭാഷയിൽ ലാ ലീഗയെ വിമർശിച്ച വിനീഷ്യസിന് പിന്തുണയും ആയി നിരവധി പ്രമുഖതാരങ്ങൾ ആണ് രംഗത്ത് എത്തിയത്. അതേസമയം കാര്യങ്ങൾ കുറച്ചു കാണുന്ന ലാ ലീഗ പ്രസിഡന്റ് ഹാവിയർ ടെബാസിന്റെ നടപടികളും വലിയ വിമർശനം നേരിടുന്നുണ്ട്.