സ്പാനിഷ് പരിശീലകൻ റാഫ ബെനിറ്റസ് ലാ ലീഗയിൽ തിരിച്ചെത്തി. സെൽറ്റ വിഗോയിൽ 3 വർഷത്തേക്ക് ആണ് 63 കാരനായ ബെനിറ്റസ് കരാർ ഒപ്പ് വച്ചത്. മുൻ ലിവർപൂൾ, റയൽ മാഡ്രിഡ് പരിശീലകൻ ആയ ബെനിറ്റസ് വലൻസിയക്ക് 2 തവണ ലാ ലീഗ കിരീടങ്ങൾ നേടി നൽകിയിട്ടുണ്ട്.
7 വർഷങ്ങൾക്ക് ശേഷം ആണ് ബെനിറ്റസ് സ്പെയിനിൽ പരിശീലകൻ ആയി തിരിച്ചു എത്തുന്നത്. കാർലോസ് കാർവഹാലിന് പകരക്കാരനായി ആണ് ബെനിറ്റസ് സെൽറ്റയുടെ പരിശീലകൻ ആവുന്നത്. ജനുവരിയിൽ എവർട്ടൺ പുറത്താക്കിയ ശേഷം ബെനിറ്റസ് ഏറ്റെടുക്കുന്ന ആദ്യ ജോലിയാണ് ഇത്. ബെനിറ്റസ് പരിശീലകൻ ആവുന്ന 14 മത്തെ ക്ലബ് ആണ് സെൽറ്റ.