ബാഴ്സലോണയുടെ പ്രധാന താരമായി മാറിയ 18കാരൻ പെഡ്രിക്ക് ക്ലബ് പുതിയ കരാർ നൽകി. പെഡ്രി ബാഴ്സലോണയിൽ പുതിയ കരാർ ഒപ്പുവെച്ചതായി ഇന്ന് ഔദ്യോഗിക പ്രഖ്യാപനം വന്നു. അവസാന കുറച്ച് മാസങ്ങളായി ലപോർട പെഡ്രിയുമായി കരാർ ചർച്ചകൾ നടത്തുന്നുണ്ടായിരുന്നു. അഞ്ചു വർഷം നീളുന്ന കരാർ ആണ് താരം ഒപ്പുവെച്ചത്. ഒരോ വർഷവും വേതനം വർധിക്കുന്ന രീതിയിൽ ആകും കരാർ. താരത്തിന് ബാഴ്സലോണക്ക് പുറമെ ഉള്ള ക്ലബുകളിൽ നിന്ന് ക്ഷണം ഉണ്ടായിരുന്നു എങ്കിലും ബാഴ്സലോണ മതി എന്ന് പെഡ്രി തീരുമാനിക്കുക ആയിരുന്നു.
Official, confirmed. Pedri extends his contract with Barcelona until June 2026. Press conference tomorrow, €1B release clause included into new deal. 🔴🇪🇸 #FCB #Pedri pic.twitter.com/aOfValMPXH
— Fabrizio Romano (@FabrizioRomano) October 14, 2021
കഴിഞ്ഞ സീസണിൽ ലാസ് പാമാസിൽ നിന്ന് ബാഴ്സലോണയിൽ എത്തിയ പെഡ്രി പെട്ടെന്ന് തന്നെ ക്ലബിന്റെ പ്രധാന താരമായി മാറുക ആയിരുന്നു. ഇത്തവണത്തെ ബാലൻ ഡി ഓർ അവസാന 30 പേരിൽ എത്താനും പെഡ്രിക്ക് ആയിട്ടുണ്ട്. മധ്യനിരയ ബാഴ്സക്കായും സ്പെയിനിനായും ഒരു അത്ഭുത വർഷമായിരുന്നു പെഡ്രിക്ക്. കഴിഞ്ഞ സീസണിൽ മാത്രം 74 മത്സരങ്ങൾ ആണ് പെഡ്രി കളിച്ചത്. പുതിയ കരാറിൽ പെഡ്രിക്ക് 1 ബില്യന്റെ റിലീസ് ക്ലോസുണ്ട്. ഫുട്ബോൾ ലോകത്ത് ഒരു കരാറിൽ ഇത്രയും വലിയ റിലീസ് ക്ലോസ് ഇതാദ്യമായാണ്.
