Category: La Liga

റയൽ മാഡ്രിഡ് ലാലിഗ കിരീടം സ്വന്തമാക്കി. ഇന്ന് ജിറോണക്ക് എതിരായ മത്സരത്തിൽ ബാഴ്സലോണ പരാജയപ്പെട്ടതോടെയാണ് റയൽ മാഡ്രിഡ് ചാമ്പ്യന്മാരായത്. ഇന്ന് ബാഴ്സലോണ തോറ്റതോടെ ഇനി ബാഴ്സലോണക്ക് റയലിനെ മറികടക്കാൻ ആകില്ല എന്ന് ഉറപ്പായി. നാലു മത്സരങ്ങൾ ലീഗിൽ ബാക്കി നിൽക്കെ ആണ് റയൽ മാഡ്രിഡ് കിരീടം ഉറപ്പിച്ചത്.

ജിറോണ ഇന്ന് അവരുടെ ഹോം ഗ്രൗണ്ടിൽ വെച്ച് 4-2ന്റെ വിജയമാണ് നേടിയത്. ആദ്യ പകുതിൽ 2-1ന് പിറകിൽ നിന്ന ശേഷം തിരിച്ചടിച്ചായിരുന്നു ജിറോണ 4-2ന്റെ ജയം നേടിയത്. ഇന്ന് നേരത്തെ നടന്ന മത്സരത്തിൽ റയൽ മാഡ്രിഡ് കാദിസിനെ എതിരില്ലാത്ത മൂന്നു ഗോളുകൾക്ക് തോൽപ്പിച്ചിരുന്നു.

റയൽ മാഡ്രിഡിന് 34 മത്സരങ്ങളിൽ നിന്ന് 87 പോയിന്റാണ് ഉള്ളത്. ബാഴ്സലോണക്ക് 34 മത്സരങ്ങളിൽ നിന്ന് 73 പോയിന്റും ജിറോണക്ക് 74 പോയിന്റും. ജിറോണക്ക് ഇനി പരമാവധി 86 പോയിന്റിലും ബാഴ്സലോണക്ക് പരമാവധി 85 പോയിന്റിലും മാത്രമെ എത്താൻ ആവുകയുള്ളൂ.

റയൽ മാഡ്രിഡിന് ഇത് 36ആം ലാലിഗ കിരീടമാണ്. ഏറ്റവും കൂടുതൽ ലാലിഗ കിരീടം നേടിയ ക്ലബ് റയൽ മാഡ്രിഡ് ആണ്.

ലാലിഗയിൽ റയൽ മാഡ്രിഡ് കിരീടത്തിന് അരികിൽ. ഇന്ന് നടന്ന ലാലിഗയിലെ മത്സരത്തിൽ കാദിസിനെ നേരിട്ട റയൽ മാഡ്രിഡ് എതിരില്ലാത്ത മൂന്നു ഗോളുകൾക്കാണ് വിജയിച്ചത്. ഇതോടെ അവർ കിരീടത്തിന് ഒരു പോയിൻറ് മാത്രം അകലെ എത്തിയിരിക്കുകയാണ്. ഇന്ന് രാത്രി നടക്കുന്ന മത്സരത്തിൽ ബാഴ്സലോണ വിജയിക്കാതിരുന്നാൽ റയൽ മാഡ്രിഡിന് കിരീടം ഉറപ്പിക്കാം.

ഇന്ന് ബെർണബെയുവിൽ നടന്ന മത്സരത്തിൽ ബ്രാഹിം ഡിയസിന്റെ ഒരു കിടിലൻ സ്ട്രൈക്ക് ആണ് റയൽ മാഡ്രിഡിന് ലീഡ് നൽകിയത്. 51ആം മിനിട്ടിലായിരുന്നു ഡിയസിന്റെ ഗോൾ. പിന്നീട് സമ്പായി എത്തിയ ജൂഡ് ബെല്ലിങ്ഹാം 68ആ. മിനുട്ടിൽ ലീഡ് ഇരട്ടിയാക്കി. ബ്രാഹിം ഡിയസ് ആയിരുന്നു ഈ ഗോൾ ഒരുക്കിയത്.

മത്സരത്തിന്റെ അവസാനം ഹിസേലുവിലൂടെ മൂന്നാം ഗോൾ കൂടെ നേടിയതോടെ റയൽ വിജയം ഉറപ്പിച്ചു. ഈ ജയത്തോടെ 34 മത്സരങ്ങളിൽ നിന്ന് 87 പോയിന്റുമായി ഒന്നാമത് നിൽക്കുകയാണ് റയൽ. 33 മത്സരങ്ങൾ കളിച്ച ബാഴ്സലോണ 73 പോയിന്റുമായി രണ്ടാംസ്ഥാനത്ത്. ബാഴ്സലോണ ഇനി എല്ലാ മത്സരങ്ങളും വിജയിച്ചാലും അവർക്ക് 88 പോയിന്റ് മാത്രമേ ആവുകയുള്ളൂ.

എൽ ക്ലാസികോ റയൽ മാഡ്രിഡ് സ്വന്തമാക്കി. ഇന്ന് ലാലിഗ കിരീട പോരാട്ടത്തിൽ ബാഴ്സലോണയുടെ അവസാന പ്രതീക്ഷയായ പോരാട്ടത്തിൽ റയൽ മാഡ്രിഡ് ബാഴ്സലോണയെ തോൽപ്പിച്ചു. രണ്ടു തവണ ബാഴ്സലോണ ലീഡ് എടുത്ത മത്സരത്തിൽ പൊരുതി കളിച്ച് 3-2ന്റെ വിജയമാണ് റയൽ നേടിയത്. ഇഞ്ച്വറി ടൈമിൽ ജൂഡ് ബെല്ലിങ്ഹാം ആണ് വിജയ ഗോൾ നേടിയത്.

ഇന്ന് ബാഴ്സലോണ ആണ് മാഡ്രിഡിന്റെ ഹോം ഗ്രൗണ്ടിൽ മികച്ച രീതിയിൽ തുടങ്ങിയത്. ആറാം മിനുട്ടിൽ തന്നെ അവർ ലീഡ് എടുത്തു. ഒരു സെറ്റ് പീസിൽ നിന്ന് ഒരു ഹെഡറിലൂടെ ക്രിസ്റ്റ്യെൻസൺ ആണ് ബാഴ്സലോണയ്ക്ക് ലീഡ് നൽകിയത്.

ഇതിനു പെട്ടെന്ന് തന്നെ മറുപടി നൽകാൻ റയൽ മാഡ്രിഡിനായി. 18ആം മിനുട്ടിൽ ഒരു പെനാൾട്ടിയിൽ നിന്നായിരുന്നു ഗോൾ. വാസ്കസിനെ കുബെർസി വീഴ്ത്തിയതിന് ആയിരുന്നു പെനാൾട്ടി വിനീഷ്യസ് പന്ത് വലയിൽ എത്തിച്ചു.

രണ്ടാം പകുതിയിൽ ബാഴ്സലോണ ആണ് മികച്ചു നിന്നത്. 69ആം മിനുട്ടിൽ ഫെർമിനോ ബാഴ്സലോണക്ക് ലീഡ് തിരികെ നൽകി. സ്കോർ 2-1 ഈ സമയത്തും ലീഡ് നിലനിർത്താൻ ബാഴ്സക്ക് ആയില്ല. 73ആം മിനുട്ടിൽ വാസ്കസ് ആണ് സമനില ഗോൾ നേടിയത്. വിനീഷ്യസിന്റെ ക്രോസിൽ നിന്നായിരുന്നു വാസ്കസിന്റെ ഗോൾ. സ്കോർ 2-2

അവസാന 10 മിനുട്ടിൽ കൂടുതൽ അറ്റാക്ക് ചെയ്തു കളിച്ച റയൽ മാഡ്രിഡ് 91ആം മിനുട്ടിൽ ജൂഡിലൂടെ വിജയ ഗോൾ നേടി. വാസ്കസിന്റെ അസിസ്റ്റിൽ നിന്നായിരുന്നു ഈ ഗോൾ.

ഈ വിജയത്തോടെ റയൽ മാഡ്രിഡ് 81 പോയിന്റുമായി ഒന്നാമത് നിൽക്കുന്നു. ബാഴ്സലോണക്ക് 70 പോയിന്റാണ് ഉള്ളത്‌ . ഇനി 6 മത്സരങ്ങൾ മാത്രമാണ് ലീഗിൽ ബാക്കിയുള്ളത്.

ഇന്ന് മാഡ്രിഡിൽ എൽ ക്ലാസികോ പോരാട്ടമാണ്. റയലിന്റെ ഹോം ഗ്രൗണ്ടായ ബെർണബ്യൂവിലേക്ക് ബാഴ്സലോണ വരികയാണ്. ലാലിഗ കിരീട പോരാട്ടത്തിൽ നിർണായക മത്സരമാകും ഇത്. ഇന്ന് റയൽ വിജയിച്ചാൽ ബാഴ്സലോണക്ക് മേൽ 11 പോയിന്റിന്റെ ലീഡ് നേടാൻ റയലിനാകും. ഇന്ന് ജയിക്കുന്നത് ബാഴ്സലോണ ആണെങ്കിൽ ഇരു ടീമുകളും തമ്മിലുള്ള പോയിന്റ് വ്യത്യാസം 5 ആയി കുറയുകയും ചെയ്യും.

ചാമ്പ്യൻസ് ലീഗ് ക്വാർട്ടർ ഫൈനലിൽ മാഞ്ചസ്റ്റർ സിറ്റിയെ മറികടന്ന് സെമി ഫൈനൽ ഉറപ്പിച്ചാണ് റയൽ ഇന്നത്തെ മത്സരത്തിന് എത്തുന്നത്. ബാഴ്സലോണ പി എസ് ജിയോട് തോറ്റ നിരാശയിലാണ് ഉള്ളത്.

31 മത്സരങ്ങളിൽ നിന്ന് 24 വിജയങ്ങളും ആറ് സമനിലകളും ഒരു തോൽവിയും ആയി 78 പോയിൻ്റ് ആണ് റയൽ മാഡ്രിഡ് ഈ സീസണിൽ ഇതുവരെ നേടിയത്. ബാഴ്സലോണ 70 പോയിന്റിലും നിൽക്കുന്നു. ഒക്ടോബറിൽ ലീഗിൽ ബാഴ്സലോണയും റയലും ഏറ്റുമുട്ടിയപ്പോൾ 2-1ന് റയൽ വിജയം ഉറപ്പിച്ചിരുന്നു.

ജനുവരിമ്മ് ശേഷം ബാഴ്സലോണ ലീഗിൽ തോൽവിയറിഞ്ഞിട്ടില്ല. റയൽ മാഡ്രിഡ് ആകട്ടെ ഈ സീസണിൽ ലീഗിൽ ഹോൻ ഗ്രൗണ്ടിൽ പരാജയപ്പെട്ടിട്ടില്ല. ഇന്ന് രാത്രി 12.30ന് നടക്കുന്ന മത്സരം ജിയോ സിനിമയിൽ തത്സമയം കാണാം.