Category: La Liga

ലാലിഗയിൽ ഈ സീസണിലെ ആദ്യ വിജയം സ്വന്തമാക്കി റയൽ മാഡ്രിഡ്. ഇന്ന് ബെർണബെയുവിൽ നടന്ന മത്സരത്തിൽ റയൽ വയ്യഡോയൊഡിനെ നേരിട്ട റയൽ മാഡ്രിഡ് മറുപടിയില്ലാത്ത 3 ഗോളിനാണ് വിജയിച്ചത്. ബ്രസീലിയൻ യുവതാരം എൻഡ്രിക് തന്റെ ആദ്യ ലാലിഗ ഗോൾ ഇന്ന് നേടി.

ഇന്ന് ആദ്യ പകുതിയിൽ ഗോൾ ഒന്നും വന്നില്ല. രണ്ടാം പകുതിയുടെ തുടക്കത്തിൽ തന്നെ റയൽ മാഡ്രിഡ് വാല്വെർദയിലൂടെ ഗോൾ നേടി. 50ആം മിനുട്ടിൽ റോദ്രിഗോയുടെ അസിസ്റ്റിൽ നിന്നായിരുന്നു വാൽവെർദെയുടെ ഗോൾ. എംബപ്പെക്ക് നിരവധി അവസരം കിട്ടിയെങ്കിലും അദ്ദേഹത്തിന്റെ ബൂട്ടിൽ നിന്ന് ഇന്ന് ഗോൾ വന്നില്ല.

88ആം മിനുട്ടിൽ ബ്രാഹിം ഡിയസിലൂടെ റയൽ മാഡ്രിഡ് വിജയം ഉറപ്പിച്ച രണ്ടാം ഗോൾ നേടി. അവസാന നിമിഷം ആയിരുന്നു എൻഡ്രികിന്റെ ഫിനിഷ്. ബ്രാഹിമിന്റെ പാസ് സ്വീകരിച്ചായിരുന്നു ഈ ഫിനിഷ്. ഈ വിജയത്തോടെ റയൽ മാഡ്രിഡിന് 2 മത്സരങ്ങളിൽ നിന്ന് 4 പോയിന്റായി.

സമനിലയിൽ കുടുങ്ങി റയൽ മാഡ്രിഡ്. അവർ ലാലിഗയിൽ ആദ്യ മത്സരത്തിൽ മയ്യോർകയോട് സമനിലയി നിന്നു. 1-1 എന്ന നിലയിലാണ് കളി അവസാനിച്ചത്.

ഇന്ന് തുടക്കത്തിൽ നല്ല രീതിയിൽ തുടങ്ങാൻ റയൽ മാഡ്രിനായി. എവേ ഗ്രൗണ്ട് ആയിരുന്നെങ്കിലും തുടക്കത്തിൽ റയൽ ആധിപത്യം പുലർത്തി. മത്സരത്തിന്റെ പതിമൂന്നാം മിനിറ്റിൽ റയൽ മാഡ്രിഡ് ലീഡ് എടുത്തു. അവരുടെ ബ്രസീലിയൻ താരങ്ങളായ വിനേഷ്യസ് ജൂനിയറും റോഡ്രിഗോയും ഒരുമിച്ച ഒരു നീക്കത്തിൽ ആയിരുന്നു ഗോൾ വന്നത്. വിനീഷ്യസിന്റെ പാസ് സ്വീകരിച്ച് റോഡ്രിഗോ ആണ് ഗോൾ നേടിയത്. പക്ഷേ ഗോളിന് ശേഷം റയൽ മാഡ്രിഡിൽ നിന്ന് അറ്റാക്കിങ് ഫുട്ബോൾ കാണാനായില്ല‌.

പിന്നീട് ആദ്യപകുതികൾ കൂടുതൽ അവസരങ്ങൾ സൃഷ്ടിച്ചത് മയ്യോർക ആയിരുന്നു. അവർക്കും പക്ഷെ പെട്ടെന്ന് സമനില ഗോൾ കണ്ടെത്താനായില്ല. രണ്ടാം പകുതിയിലാണ് അവരുടെ സമനില ഗോൾ വന്നത്. മുറിച് ഒരു ഹെഡ്ഡറിലൂടെ ആയിരുന്നു മയോർകയുടെ സമനില ഗോൾ നേടിയത്‌. ഇതിനുശേഷം റയലിന്റെ വൻ അറ്റാക്കിംഗ് നിര വിജയ ഗോളിനായി ആഞ്ഞു ശ്രമിച്ചു. പക്ഷെ ഗോൾ വന്നില്ല‌.

മത്സരത്തിന്റെ അവസാന നിമിഷം മെൻഡി ചുവപ്പ് കണ്ടത് റയലിന് തിരിച്ചടിയായി.

ബ്രസീലിയൻ അത്ഭുത താരം എൻഡ്രിക് ഇന്ന് റയൽ മാഡ്രിഡ് ക്ലബിൽ എത്തി. താരം റയൽ മാഡ്രിഡിൽ 16ആം നമ്പർ ജേഴ്സി അണിയും ർന്ന് ക്ലബ് അറിയിച്ചു. ഇന്ന് താരത്തെ ക്ലബ് പ്രെഡിഡന്റ് പെരസ് ഔദ്യോഗികമായി ക്ലബിലേക്ക് സ്വാഗതം ചെയ്തു. ഒരു വർഷം മുമ്പ് തന്നെ എൻഡ്രികിന്റെ ട്രാൻസ്ഫർ റയൽ മാഡ്രിഡ് പൂർത്തിയാക്കിയിരുന്നു എങ്കിലും ഇന്നാണ് താരത്തിന്റെ ഔദ്യോഗിക പ്രസന്റേഷൻ നടക്കുന്നത്.

വിനിഷ്യസ് ജൂനിയർ, റോഡ്രിഗോ എന്നിവരുടെ പാത പിന്തുടർന്ന് ആണ് ബ്രസീലിയൻ താരം മാഡ്രിഡിലേക്ക് എത്തുന്നത്. പാൽമിറാസിൽ നിന്ന് 75 മില്യൺ യൂറോക്ക് ആയിരുന്നു താരത്തെ റയൽ സ്വന്തമാക്കിയത് . 35 മില്യൺ ആണ് ട്രാൻസ്ഫർ തുക, 25 മില്യൺ ആഡ് ഓണും ഒപ്പം 15 മില്യണോളം ടാക്സും ഈ ട്രാൻസ്ഫറിനായി റയൽ നൽകും.

താരത്തിന് പതിനെട്ട് വയസ് ആവാതെ രാജ്യം വിടാൻ ആവില്ല എന്നതിനാൽ ആണ് ഈ സീസൺ വരെ എൻഡ്രിക്കിനായി റയൽ കാത്തു നിൽക്കേണ്ടി വന്നത്. 2030 വരെയുള്ള കരാർ താരത്തിന് റയലിൽ ഉണ്ട്‌.