റയൽ മാഡ്രിഡ് ഇതിഹാസ താരം ലൂകാ മോഡ്രിച് വിരമിക്കുക ആണെങ്കിൽ റയൽ മാഡ്രിഡ് പരിശീലക സംഘത്തിനൊപ്പം ചേരും. മോഡ്രിചിനെ തന്റെ കോച്ചിംഗ് ടീമിലേക്ക് ചേരാനായി ആഞ്ചലോട്ടി ക്ഷണിച്ചിട്ടുണ്ട് എന്നാണ് റിപ്പോർട്ടുകൾ വരുന്നത്. മോഡ്രിച് ഇതുവരെ റയൽ മാഡ്രിഡിൽ കരാർ പുതുക്കിയിട്ടില്ല. മോഡ്രിച് ഈ സീസൺ അവസാനം വിരമിക്കും എന്നാണ് ഇപ്പോൾ വരുന്ന വാർത്തകൾ.
കഴിഞ്ഞ സമ്മറിൽ സൗദിയിൽ നിന്ന് വന്ന ലോകത്തെ തന്നെ ഏറ്റവും മികച്ച ഒഫർ നിരസിച്ചാണ് റയലിൽ തുടരാൻ മോഡ്രിച് തീരുമാനിച്ചിരുന്നത്. റയൽ മാഡ്രിഡിൽ തുടരാനും ഇവിടെ കരിയർ അവസാനിപ്പിക്കാനുമാണ് മോഡ്രിച് ആഗ്രഹിക്കുന്നത് എന്ന് താരം നേരത്തെ തന്നെ വെളിപ്പെടുത്തിയതാണ്. 2012 മുതൽ റയൽ മാഡ്രിഡിനൊപ്പം ഉള്ള താരമാണ് മോഡ്രിച്. റയലിനൊപ്പം 22 കിരീടങ്ങളും മോഡ്രിച് നേടിയിട്ടുണ്ട്.