ലാ ലീഗയിൽ ഏറ്റവും കൂടുതൽ മത്സരം കളിച്ച വിദേശ താരമെന്ന റെക്കോർഡ് ഇനി ലിയോണൽ മെസ്സിക്ക് സ്വന്തം. 422 മത്സരങ്ങൾ കളിച്ച ഡാനി ആൽവേസിന്റെ റെക്കോർഡാണ് മെസ്സി മറികടന്നത്. ഇന്നലെ ജിറോണക്കെതിരായ മത്സരം മെസ്സിയുടെ ലാ ലീഗയിലെ 423മത്തെ മത്സരമായിരുന്നു.
423 മത്സരങ്ങൾ കളിച്ച മെസ്സി 387 ഗോളുകളും 166 അസിസ്റ്റുകളും തന്റെ സ്വന്തം പേരിൽ കുറിച്ചിട്ടുണ്ട്. മത്സരത്തിൽ റെക്കോർഡ് മറികടന്നെങ്കിലും 10 പേരുമായി കളിച്ച ബാഴ്‌സലോണക്ക് ജിറോണക്കെതിരെ സമനില കൊണ്ട് തൃപ്തിപെടേണ്ടി വന്നു.
