ബാഴ്സലോണ യുവതാറ്റം മാർക്ക് ബെർണലിന് പരിക്ക്. ഇന്നലെ റായോ വല്ലെക്കാനോയ്ക്കെതിരായ മത്സരത്തിന് ഇടയിലാണ് മിഡ്ഫീൽഡർ മാർക്ക് ബെർണലിന് ആൻ്റീരിയർ ക്രൂസിയേറ്റ് ലിഗമെൻ്റിന് പരിക്കേറ്റത്. താരം ഇനി ഈ സീസൺ അവസാനം മാത്രമെ തിരികെയെത്താൻ സാധ്യതയുള്ളൂ. 7 മാസം എങ്കിലും വിശ്രമം വേണ്ടി വരും.
ഇന്നലെ മത്സരത്തിൻ്റെ അവസാന മിനിറ്റുകളിൽ ആയിരുന്നു 17 കാരനായ ബെർണലിന് പരിക്കേറ്റ് കളം വിടേണ്ടി വന്നത്. യുവതാരത്തെ ബുധനാഴ്ച പരിശോധനയ്ക്ക് വിധേയനാക്കുമെന്ന് പരിശീലകൻ ഹൻസി ഫ്ലിക്ക് പറഞ്ഞു. മാർക്ക് ബെർണലിന് പരിക്കേറ്റത് വളരെ സങ്കടകരമാണെന്നും അത് അത്ര നല്ലതല്ലെന്നും മത്സരത്തിന് ശേഷം നടത്തിയ വാർത്താ സമ്മേളനത്തിൽ ഫ്ലിക് പറഞ്ഞു.
പ്രീസീസണിൽ നല്ല പ്രകടനം നടത്തി ഫ്ലിക്കിന്റെ വിശ്വാസം നേടിയ ബെർണൽ വലൻസിയയ്ക്കെതിരായ മത്സരത്തിൽ ക്ലബ്ബിനായി അരങ്ങേറ്റം കുറിച്ചിരുന്നു.