സിദാന്റെ വരവും റയൽ മാഡ്രിഡിൽ കാര്യമായ മാറ്റങ്ങൾ കൊണ്ടുവരുന്നില്ല എന്ന് വേണം മനസ്സിലാക്കാൻ. ഒരു മത്സരത്തിൽ ഊടെ വിജയിക്കാൻ ആവാതെ മടങ്ങുകയാണ് റയൽ മാഡ്രിഡ് ഇന്ന്. ഇന്ന് ലാലിഗയിൽ ലെഗനെസ് ആണ് മാഡ്രിഡിനെ സമനിലയിൽ തളച്ചത്. 1-1 എന്നായിരുന്നു സ്കോർ. ആദ്യ പകുതിയിൽ ജോണതാൻ സിൽവയിലൂടെ ലെഗനെസ് ലീഡ് എടുത്തു.
രണ്ടാം പകുതിയിൽ ഒരു ബെൻസീമ ഗോളാണ് റയലിന്റെ മറ്റൊരു നാണക്കേടിൽ നിന്ന് രക്ഷിച്ചത്. ബെൻസീമയുടെ അവസാന 12 മത്സരങ്ങൾക്ക് ഇടയിലെ 11ആം ഗോളായിരുന്നു ഇത്. ഈ ഗോളിനപ്പുറം വിജയ ഗോൾ നേടാൻ റയലിനായില്ല. അവസാന മൂന്നു മത്സരങ്ങൾക്ക് ഇടയിൽ റയലിന്റെ വിജയമില്ലാത്ത രണ്ടാം മത്സരമാണിത്. ലീഗിൽ അത്ലറ്റിക്കോ മാഡ്രിഡിനോട് അടുക്കാമെന്ന റയലിന്റെ ആഗ്രഹവും ഇതോടെ നടക്കാതെ ആയി. 32 മത്സരളിൽ നിന്ന് 61 പോയന്റാണ് ഇപ്പോൾ റയലിന് ഉള്ളത്.
