ഗുണ്ടോഗൻ ബാഴ്സലോണ വിടുന്നു

ഗുണ്ടോഗൻ ബാഴ്സലോണ വിടുന്നു. മാഞ്ചസ്റ്റർ സിറ്റി വിട്ട് കഴിഞ്ഞ സീസണിൽ ബാഴ്സലോണയിൽ എത്തിയ ഗുണ്ടോഗൻ ഈ സമ്മറിൽ ക്ലബ് വിടും. ഇതിനാൽ ബാഴ്സലോണയുമായി ചർച്ചകൾ നടത്തി. ഇറ്റലിയിൽ നിന്നും പ്രീമിയർ ലീഗിൽ നിന്നും ഗുണ്ടോഗന് ഓഫർ ഉണ്ട്. ഇതിൽ ഏതെങ്കിലും ഒന്ന് ഗുണ്ടോഗൻ സ്വീകരിക്കും. മാഞ്ചസ്റ്റർ സിറ്റിയിലേക്ക് തിരികെ പോകുന്നതും ഗുണ്ടോഗൻ പരിഗണിക്കുന്നുണ്ട്.

2025വരെയുള്ള കരാർ ആണ് ഗുണ്ടോഗന് ബാഴ്സലോണയിൽ ഉള്ളത്‌. സിറ്റിയുടെ പുതിയ കരാറും പ്രിമിയർ ലീഗിൽ നിന്നു തന്നെയുള്ള ഓഫറുകളും മറികടന്ന് ആയിരുന്നു താരം ബാഴ്സലോണയിൽ എത്തിയത്. എന്നിട്ടും ഒരു സീസൺ കൊണ്ട് താരം ക്ലബ് വിടുകയാണ്.

മുമ്പ് ഏഴ് വർഷത്തോളം താരം മാഞ്ചസ്റ്റർ സിറ്റിക്ക് ഒപ്പം ഉണ്ടായിരുന്നു. സിറ്റിക്ക് ഒപ്പം ചാമ്പ്യൻസ് ലീഗ് അടക്കം 14 കിരീടങ്ങൾ ഗുണ്ടോഗൻ നേടിയിരുന്നു.