റയൽ മാഡ്രിഡിന് ലാലിഗയിൽ ഞെട്ടിക്കുന്ന പരാജയം. ഇന്ന് ജിറോണയെ നേരിട്ട റയൽ മാഡ്രിഡ് രണ്ടിനെതിരെ നാലു ഗോളിന്റെ തോൽവി ആണ് എവേ ഗ്രൗണ്ടിൽ നേരിട്ടത്. അർജന്റീനൻ താരമ് കാസ്റ്റലാനോസ് ആണ് ജിറോണയുടെ നാലു ഗോളും നേടിയത്. ഈ പരാജയത്തോടെ റയലിന്റെ ലാലിഗ പ്രതീക്ഷകൾ ഏതാണ്ട് അവസാനിച്ചിരിക്കുകയാണ്.
ഇന്ന് 12ആം മിനുട്ടിലാണ് റയലിന്റെ വലയിൽ കാസ്റ്റയോനസ് ആദ്യ ഗോളടിച്ചത്. 24ആം മിനുട്ടിൽ താരം ലീഡ് ഇരട്ടിയാക്കി. വിനീഷ്യസ് ഒരു ഗോൾ മടക്കി. ആദ്യ പകുതി 2-1ന് അവസാനിച്ചു. രണ്ടാം പകുതിയുടെ തുടക്കത്തിൽ തന്നെ കാസ്റ്റലാനോസ് ഹാട്രിക്ക് തികച്ചു. 62ആം മിനുട്ടിൽ വിജയം ഉറപ്പിച്ച നാലാം ഗോളും വന്നു. ലൂകാസ് വാസ്കസ് അവസാനം ഒരു ഗോൾ റയലിനായി നേടിയെങ്കിലും ഏറെ വൈകിപ്പോയിരുന്നു.
ഈ പരാജയത്തോടെ റയൽ 31 മത്സരങ്ങളിൽ 65 പോയിന്റുമായി രണ്ടാമത് നിൽക്കുന്നു. ഒരു മത്സരം കുറവ് കളിച്ച ബാഴ്സലോണക്ക് 76 പോയിന്റ് ഉണ്ട്. ഇനി അവസാന എട്ടു മത്സരങ്ങളിൽ 11 പോയിന്റ് നേടിയാൽ ബാഴ്സലോണക്ക് കിരീടം ഉറപ്പിക്കാം