ബ്രസീലിയൻ മധ്യനിര താരം കസമെറോ റയൽ മാഡ്രിഡിൽ തുടരും. 2025വരെയുള്ള കരാറാണ് താരം ഒപ്പുവെച്ചത്. കരീം ബെൻസേമ, കോർതോയിസ്, വാൽവെർഡെ എന്നിവരും അടുത്തിടെ റയൽ മാഡ്രിഡിൽ കരാർ പുതുക്കിയിരുന്നു. 29കാരനായ താരത്തിന്റെ കരാർ 2023ൽ അവസാനിക്കാൻ ഇരിക്കുക ആയിരുന്നു. 2013 ൽ സാവോപോളോയിൽ നിന്ന് സാന്റിയാഗോ ബെർണബ്യൂവിൽ എത്തിയ താരം അന്ന് മുതൽ റയൽ മാഡ്രിഡിന്റെ പ്രധാനപ്പെട്ട താരമായിരുന്നു. നാലു ചാമ്പ്യൻസ് ലീഗ് കിരീടങ്ങളും രണ്ട് ലാലിഗ കിരീടങ്ങളും താരം ക്ലബിനൊപ്പം നേടിയിട്ടുണ്ട്.