കാർവഹാളും പുറത്ത്, പ്രതിസന്ധിയിലായി റയൽ പ്രതിരോധം 

ഹൃദയ സംബദ്ധമായ അസുഖങ്ങളെ തുടർന്ന് റയൽ മാഡ്രിഡ് പ്രധിരോധ താരം കാർവഹാൾ എസ്പാനിയോലിനെതിരെയുള്ള മത്സരത്തിൽ നിന്ന് പുറത്ത്. ഹൃദയ ഭാഗങ്ങൾക്കേറ്റ അണുബാധയാണ് താരത്തിനെന്ന് റയൽ മാഡ്രിഡ് അറിയിച്ചു. ചുരുങ്ങിയത് ആറ് ആഴ്ചയെങ്കിലും താരത്തിന് പരിക്ക് മൂലം പുറത്തിരിക്കേണ്ടി വരും. ഈ സീസണിൽ ഒഫീഷ്യൽ മത്സരങ്ങളിൽ റയൽ മാഡ്രിഡിന് വേണ്ടി മുഴുവൻ സമയവും കളിച്ച താരമാണ് കാർവഹാൾ.

ഹാംസ്ട്രിങ് ഇഞ്ചുറി കാരണം മാഴ്‌സെലോയും ഷോൾഡർ ഇഞ്ചുറി കാരണം തിയോ ഹെർണാഡസും ടീമിന് പുറത്തായതിന് പിന്നാലെ കാർവഹാളിന്റെ പരിക്ക് സിദാന് തലവേദന സൃഷ്ട്ടിക്കും. ഈ സീസണിന്റെ തുടക്കത്തിൽ റയൽ മാഡ്രിഡിന്റെ ആദ്യ ടീമിലേക്ക് എത്തിയ 18കാരനായ അച്ചറഫ് ഹാകിമിയായിരിക്കും കാർവഹാളിനു പകരമായി ടീമിലെത്തുക.

വർഷങ്ങളായി റയൽ മാഡ്രിഡിന്റെ ആദ്യ പതിനൊന്നിൽ കളിക്കുന്ന കാർവഹാൾ റയൽ മാഡ്രിഡിന്റെ അക്കാദമിയിലൂടെ ടീമിലെത്തിയ താരമാണ്. 6 മത്സരങ്ങളിൽ നിന്ന് 11 പോയിന്റുമായി റയൽ മാഡ്രിഡ് ആറാം സ്ഥാനത്താണ്.  അത്രയും മത്സരങ്ങളിൽ നിന്ന് 18 പോയിന്റുമായി ബാഴ്‌സലോണ ഒന്നാം സ്ഥാനത്ത് തുടരുകയാണ്.

കൂടുതൽ കായിക വാർത്തകൾക്ക് : www.facebook.com/FanportOfficial

Previous articleഹൂഡ തിളങ്ങി, ഒരു പോയിന്റിനു യുപിയെ വീഴ്ത്തി പൂനെ
Next articleഏകനായി അജയ് താക്കൂര്‍, ജയ്പൂരിനെതിരെ ജയം സ്വന്തമാക്കാനാകാതെ തലൈവാസ്