ലാലിഗയിൽ പ്രമുഖരെല്ലാം പോയിന്റ് നഷ്ടപ്പെടുത്ത മാച്ച് വീക്കിൽ ഒന്നാം സ്ഥാനത്ത് എത്താനുള്ള അവസരം നഷ്ടപ്പെടുത്തിയിരിക്കുകയാണ് റയൽ മാഡ്രിഡ്. ഇന്ന് ലാലിഗയിൽ ഒസാസുനയെ നേരിട്ട റയൽ മാഡ്രിഡ് ഗോൾ രഹിത സമനിലയുമായി തൃപ്തിപ്പെടേണ്ടി വന്നു. സ്വന്തം ഗ്രൗണ്ടിലാണ് റയൽ മാഡ്രിഡിന് ഈ നിരാശയാർന്ന ഫലം. അധികം അവസരങ്ങൾ സൃഷ്ടിക്കാൻ റയലിന് ഇന്നായില്ല. വിജയിച്ചില്ല എങ്കിലും ഇപ്പോഴും റയൽ മാഡ്രിഡ് ആണ് ലീഗിൽ ഒന്നാമത്. 21 പോയിന്റാണ് റയലിന് ഉള്ളത്. സെവിയ്യ, റയൽ ബെറ്റിസ്, സോസിഡാഡ് എന്നീ ടീമുകൾക്കും 21 പോയിന്റ് വീതം ഉണ്ട്.