ഇന്ന് ഇറാഖിനോട് പരാജയപ്പെട്ട ഇന്ത്യ ഇനി കിംഗ്സ് കപ്പിൽ ഒരു മത്സരം കൂടെ കളിക്കും. ഞായറാഴ്ച മൂന്നാം സ്ഥാനം സ്വന്തമാക്കാനുള്ള പോരാട്ടത്തിൽ ലെബനൻ ആകും ഇന്ത്യയുടെ എതിരാളികൾ. ഈ വർഷം ഇത് നാലാം തവണയാകും ഇന്ത്യ ലെബനനെ നേരിടുന്നത്. ലെബനൻ ഇന്ന് നടന്ന സെമി ഫൈനലിൽ തായ്ലാൻഡിനോട് പരാജയപ്പെട്ടു. 2-1 എന്നായിരുന്നു സ്കോർ.
ഇന്ന് വൈകിട്ട് നടന്ന ആദ്യ സെമിയിൽ ഇന്ത്യ ഇറാഖിനോടും പരാജയപ്പെട്ടിരുന്നു. ഇറാഖ് പെനാൾട്ടി ഷൂട്ടൗട്ടിൽ ആണ് ഇന്ത്യയെ പരാജയപ്പെടുത്തിയത്.