Category: Kerala Premier League

കേരള പ്രീമിയർ ലീഗിൽ ഇന്ന് ഗോകുലം കേരള വയനാട് യുണൈറ്റഡിനെ പരാജയപ്പെടുത്തി. ഇന്ന് മറുപടിയില്ലാത്ത ഒരു ഗോളിനാണ് ഗോകുലം വിജയിച്ചത്. കോഴിക്കോട് നടന്ന മത്സരത്തിൽ തുടക്കത്തിൽ തന്നെ ആ ഒരു ഗോൾ നേടാൻ ഗോകുലത്തിനായി. ഇമ്മാനുവൽ ആണ് ഗോകുലത്തിനായി ആറാം മിനുട്ടിൽ ഗോൾ നേടിയത്.

5 മത്സരങ്ങളിൽ 10 പോയിന്റാണ് ഗോകുലത്തിന് ഇപ്പോൾ ഉള്ളത്. ഗോകുലം നാലാം സ്ഥാനത്താണ്. വയനാട് യുണൈറ്റഡ് 10ആം സ്ഥാനത്തും നിൽക്കുന്നു.

കേരള പ്രീമിയർ ലീഗിൽ കോവളത്തിന് സീസണിലെ രണ്ടാം വിജയം. ഇന്ന് മഹാരാജാസിൽ നടന്ന മത്സരത്തിൽ കോവളം എഫ് സി സായ് കൊല്ലത്തെ ആണ് തോൽപ്പിച്ചത്. ഒന്നിനെതിരെ രണ്ടു ഗോളുകൾക്കാണ് തോൽപ്പിച്ചത്. ജോൺ സ്റ്റാലിന്റെ ഇരട്ട ഗോളുകൾ ആണ് കോവളം എഫ് സിക്ക് വിജയം നൽകിയത്. 33ആം മിനുട്ടിലാണ് സ്റ്റാലിന്റെ ആദ്യ ഗോൾ. രണ്ടാം പകുതിയിൽ 36ആം മിനുട്ടിൽ സ്റ്റാലിൻ തന്നെ രണ്ടാം ഗോളും നേടി. മിനേഷ് ആണ് സായിയുടെ ഗോൾ നേടിയത്.

ഈ വിജയത്തോടെ കോവളത്തിന് 6 മത്സരങ്ങളിൽ നിന്ന് 6 പോയിന്റായി. സായ്ക്ക് മൂന്ന് പോയിന്റാണ് ഉള്ളത്.

കേരള പ്രീമിയർ ലീഗിൽ ഗംഭീര ഫോം ബാസ്കോ ഒതുക്കുങ്ങൽ തുടരുന്നു. അവർ ഇന്ന് വലിയ സ്കോറിന് എഫ് സി അരീക്കോടിനെ തോൽപ്പിച്ചു. എതിരില്ലാത്ത അഞ്ചു ഗോളുകൾക്കായിരുന്നു ബാസ്കോയുടെ വിജയം. ബാസ്കോയ്ക്ക് വേണ്ടി മുഹമ്മദ് ആഷിഖ് ഹാട്രിക്ക് നേടി. നാസർ ഇരട്ട ഗോളുകളും നേടി. 37, 75, 79 മിനുട്ടുകളിൽ ആയിരുന്നു ആഷിഖിന്റെ ഗോളുകൾ.

57, 81 മിനുട്ടുകളിലായിരുന്നു നാസറിന്റെ ഗോളുകൾ. 5 മത്സരങ്ങളിൽ 11 പോയിന്റുമായി ബാസ്കോ ഗ്രൂപ്പിൽ മൂന്നാമത് നിൽക്കുന്നു‌. എഫ് സി അരീക്കോട് ആറാം സ്ഥാനത്താണ്.

കേരള പ്രീമിയർ ലീഗിലെ മികച്ച ഫോം തുടരുന്ന കേരള യുണൈറ്റഡ് ഗ്രൂപ്പ് ബിയിൽ ഒന്നാമത് തുടരുന്നു. ഇന്ന് നടന്ന മത്സരത്തിൽ കേരള യുണൈറ്റഡ് ട്രാവങ്കൂർ റോയൽസ് എഫ് സിയെ ആണ് തോൽപ്പിച്ചത്. മറുപടിയില്ലാത്ത ഏക ഗോളിനായിരുന്നു കേരള യുണൈറ്റഡിന്റെ വിജയം. ഇന്ന് മത്സരത്തിന്റെ അവസാന നിമിഷത്തിലായിരുന്നു ഗോൾ വന്നത്. 96ആം മിനുട്ടിൽ നിധിൻ കൃഷ്ണ ആണ് വിജയ ഗോൾ നേടിയത്‌

ഈ വിജയത്തോടെ കേരള യുണൈറ്റഡ് 8 മത്സരങ്ങളിൽ നിന്ന് 19 പോയിന്റുമായാണ് ഗ്രൂപ്പിൽ ഒന്നാമത് നിൽക്കുന്നത്. ട്രാവങ്കൂർ 3 പോയി‌ന്റുമായി എട്ടാമത് നിൽക്കുന്നു.

കേരള പ്രീമിയർ ലീഗിലെ കേരള പോലീസിന്റെ അപരാജിത കുതിപ്പ് തുടരുന്നു. തുടർച്ചയായ മൂന്ന് സമനിലക്ക് ശേഷം ഇന്ന് അവർ റിയൽ മലബാർ എഫ് സിയെ ആണ് പരാജയപ്പെടുത്തിയത്. ഇന്ന് ലൂക്ക ഇ എം എസ് സ്റ്റേഡിയത്തിൽ വെച്ച് റിയൽ മലബാറിനെ നേരിട്ട കേരള പോലീസ് 3-1ന്റെ വിജയം സ്വന്തമാക്കു. തുടക്കത്തിൽ ഒരു ഗോളിന് പിറകിൽ പോയ ശേഷം ആയിരുന്നു കെ എസ് ഇ ബിയുടെ വിജയം.

ഇന്ന് ഏഴാം മിനുട്ടിൽ മുഹമ്മദ് ഇഷാൽ ആണ് റിയൽ മലബാറിന് ലീഡ് നൽകിയത്. രണ്ടാം പകുതിയിലെ ശ്രീരാഗിന്റെ ഇരട്ട ഗോൾ കേരള പോലീസിന് ലീഡ് നൽകി. 46ആം മിനുട്ടിലും 60ആം മിനുട്ടിലും ആയുരുന്നു ശ്രീരാഗിന്റെ ഗോളുകൾ. 76ആം മിനുട്ടിൽ ബിജേഷ് ബാലൻ കൂടെ ഗോൾ നേടിയതോടെ കേരള പോലീസ് വിജയം ഉറച്ചും

ആറ് മത്സരങ്ങളിൽ 12 പോയിന്റുമായി കേരള പോലീസ് ഗ്രൂപ്പ് എയിൽ രണ്ടാമത് നിൽക്കുന്നു. റിയൽ മലബാർ 3 പോയിന്റുമായി 9ആം സ്ഥാനത്താണ് നിൽക്കുന്നത്.

രാംകോ കേരള പ്രീമിയർ ലീഗിൽ കേരള ബ്ലാസ്റ്റേഴ്സ് റിസേർവ്സ് ടീമിന് ഒരു പരാജയം കൂടെ. ഇന്ന് എറണാകുളം മഹാരാജാസ് സ്റ്റേഡിയത്തിൽ വെച്ച് നടന്ന മത്സരത്തിൽ കെ എസ് ഇ ബിയെ നേരിട്ട കേരള ബ്ലാസ്റ്റേഴ്സ് വലിയ പരാജയമാണ് ഏറ്റുവാങ്ങിയത്‌. ഇന്ന് എതിരില്ലാത്ത മൂന്ന് ഗോളുകളുടെ വിജയമാണ് കെ എസ് ഇ ബി സ്വന്തമാക്കിയത്‌.

ഇന്ന് രണ്ടാം പകുതിയിലാണ് കേരള ബ്ലാസ്റ്റേഴ്സ് പിറകിൽ പോയത്. 48ആം മിനുട്ടിൽ നിഷോൺ സേവിയർ, 52ആം മിനുട്ടിലും 80ആം മിനുട്ടിലും നിജോൺ ഗിൽബർട്ടുമാണ് കേരള ബ്ലാസ്റ്റേഴ്സിന്റെ ഗോളുകൾ നേടിയത്‌.

ലീഗിലെ ആദ്യ മത്സരത്തിൽ കേരള യുണൈറ്റഡിനോടും രണ്ടാം മത്സരത്തിൽ കോവളത്തോടും മൂന്നാം മത്സരത്തിൽ മുത്തൂറ്റ് എഫ് എയോടും നാലാം മത്സരത്തിൽ ലിഫയോടും കേരള ബ്ലാസ്റ്റേഴ്സ് പരാജയപ്പെട്ടിരുന്നു. ഗ്രൂപ്പിൽ അവസാന സ്ഥാനത്താണ് ബ്ലാസ്റ്റേഴ്സ് ഉള്ളത്. ഈ വിജയത്തോടെ കെ എസ് ഇ ബി 7 മത്സരങ്ങളിൽ നിന്ന് 14 പോയിന്റുമായി ഗ്രൂപ്പിൽ മൂന്നാം സ്ഥാനത്ത് നിൽക്കുന്നു.

കേരള പ്രീമിയർ ലീഗിലെ കേരള പോലീസിന്റെ അപരാജിത കുതിപ്പ് തുടരുന്നു. പക്ഷെ അവർക്ക് ഇത് തുടർച്ചയായ മൂന്നാം സമനില ആയി. ഇന്ന് ലൂക്ക സോക്കറിനെ കോഴിക്കോട് ഇ എം എസ് സ്റ്റേഡിയത്തിൽ വെച്ച് നേരിട്ട കേരള പോലീസ് 1-1ന്റെ സമനില വഴങ്ങി. ഇരുടീമുകൾക്കും ഇന്ന് അധികം അവസരങ്ങൾ സൃഷ്ടിക്കാൻ ആയില്ല. ലൂക്ക സോക്കർ താരം അശ്വിൻ ആണ് മാൻ ഒഫ് ദി മാച്ച് ആയത്.

ആദ്യ പകുതിയുടെ അവസാനം സജീഷ് കേരള പോലീസിന് ലീഡ് നൽകി. രണ്ടാം പകുതിയിൽ 77ആം മിനുട്ടിൽ സിബിൽ ആണ് ലുകയ്ക്ക് സമനില നൽകിയത്. അഞ്ച് മത്സരങ്ങളിൽ 9 പോയിന്റുമായി കേരള പോലീസ് ഗ്രൂപ്പിൽ നാലാമത് നിൽക്കുന്നു. ലൂക്ക 6 പോയിന്റുമായി അഞ്ചാ സ്ഥാനത്താണ് നിൽക്കുന്നത്.