കേരള പ്രീമിയർ ലീഗിൽ വിജയക്കുതിപ്പ് തുടർന്ന് കേരള ബ്ലാസ്റ്റേഴ്‌സ്

കേരള പ്രീമിയർ ലീഗിൽ കേരള ബ്ലാസ്റ്റേഴ്സ് വീണ്ടും വിജയ വഴിയിൽ. ഇന്ന് ഗ്രൂപ്പ് എയിൽ നടന്ന അത്യന്തം ആവേശം നിറഞ്ഞ മത്സരത്തിൽ മത്സരത്തിൽ സാറ്റ് തിരൂരിനെയാണ് ബ്ലാസ്റ്റേഴ്‌സ് വീഴ്ത്തിയത്. കെ.എസ്എസ്.സി സ്റ്റേഡിയത്തിൽ നടന്ന മത്സരത്തിൽ എതിരില്ലാത്ത ഒരു ഗോളിനാണ് ബ്ലാസ്റ്റേഴ്‌സ് റിസർവ്സ് ജയിച്ചത്. കളിയുടെ 38 ആം മിനുട്ടിൽ ജിതിൻ എം എസ് ആണ് ബ്ലാസ്റ്റേഴ്സിനായി വിജയഗോൾ നേടിയത്.

കഴിഞ്ഞ മത്സരത്തിൽ എതിരില്ലാത്ത രണ്ടു ഗോളുകൾക്ക് സാറ്റ് തിരൂരിനെ തിരൂർ വെച്ച് ബ്ലാസ്റ്റേഴ്സ് പരാജയപ്പെടുത്തിയിരുന്നു. ഇന്നത്തെ ജയത്തോടു കൂടി ഗ്രൂപ്പ് എ യിൽ ഒന്നാം സ്ഥാനത്ത് എത്താൻ കേരള ബ്ലാസ്റ്റേഴ്സിനായി. അഞ്ചു മത്സരങ്ങളിൽ പത്ത് പോയന്റാണ് ബ്ലാസ്റ്റേഴ്‌സിന്റെ സമ്പാദ്യം. 7 മത്സരങ്ങൾ കളിച്ച സാറ്റിന് ആറു പോയന്റു മാത്രമെ ഉള്ളൂ‌.