കേരള പ്രീമിയർ ലീഗ് സീസൺ ഫൈനൽ ഏപ്രിൽ 10നു നടക്കും. കോഴിക്കോട് ഇ എം എസ് സ്റ്റേഡിയത്തിൽ വെച്ചാകും മത്സരം നടക്കുക. സെമി ഫൈനലുകൾ കോഴിക്കോടും എറണാകുളത്തും വെച്ചാകും നടക്കുക. ഏപ്രിൽ 8ന് വൈകുന്നേരം നാലു മണിക്കാണ് സെമി ഫൈനൽ നടക്കുന്നത്. എ ഗ്രൂപ്പ് വിജയികളും ബി ഗ്രൂപ്പ് റണ്ണേഴ്സ് അപ്പും തമ്മിലുള്ള സെമി മത്സരം കോഴിക്കോട് ഇ എം എസ് സ്റ്റേഡിയത്തിൽ വെച്ചും, ബി ഗ്രൂപ്പ് വിജയികളും എ ഗ്രൂപ്പ് റണ്ണേഴ്സ് അപ്പും തമ്മിലുള്ള സെമി മത്സരം എറണാകുളം മഹാരാജാസ് കോളേജ് ഗ്രൗണ്ടിൽ വെച്ചും നടക്കും.
ഇപ്പോൾ ഗോൾഡൻ ത്രഡ്സും കെ എസ് ഇബിയും മാത്രമാണ് സെമി ഫൈനൽ ഉറപ്പിച്ചിട്ടുള്ളത്. ഗ്രൂപ്പ് എയിൽ നിന്ന് ആരൊക്കെ സെമി ഫൈനലിൽ എത്തും എന്ന് അടുത്ത ദിവസങ്ങളിൽ അറിയാൻ പറ്റും. കേരള പ്രീമിയർ ലീഗ് ചരിത്രത്തിലെ ഏറ്റവും വലിയ സീസണായിരുന്നു ഇത്. 22 ടീമുകൾ ആണ് ഈ സീസണിൽ ലീഗ് ഘട്ടത്തിൽ ഉണ്ടായിരുന്നത്.
