കേരള പ്രീമിയർ ലീഗ്; വിജയത്തോടെ കേരള ബ്ലാസ്റ്റേഴ്സ് സീസൺ അവസാനിപ്പിച്ചു

Img 20220404 182601

കേരള പ്രീമിയർ ലീഗിലെ അവസാന മത്സരത്തിൽ വിജയവുമായി കേരള ബ്ലാസ്റ്റേഴ്സ്. ഇന്ന് നടന്ന മത്സരത്തിൽ കേരള ബ്ലാസ്റ്റേഴ്സ് റിസേർവ്സ് ഡോൺ ബോസ്കോയെ ആണ് പരാജയപ്പെടുത്തിയത്. ഒന്നിനെതിരെ രണ്ടു ഗോളുകൾക്കായിരുന്നു കേരള ബ്ലാസ്റ്റേഴ്സിന്റെ വിജയം. ഇന്ന് ആദ്യ പകുതിയുടെ അവസാനം റോഷൻ ആണ് കേരള ബ്ലാസ്റ്റേഴ്സിന് ലീഡ് നൽകിയത്.

രണ്ടാം പകുതിയുടെ തുടക്കത്തിൽ ആദുൽ അബ്ദുള്ളയുടെ ഒരു ലോങ് റേഞ്ചർ കേരള ബ്ലാസ്റ്റേഴ്സ് ലീഡ് ഇരട്ടിയാക്കി. ഇതിനു ശേഷം ഒരു ഗോൾ മടക്കാൻ ഡൊൺ ബോസ്കോയ്ക്ക് അവസരം കിട്ടിയെങ്കിലും അവരെടുത്ത പെനാൾട്ടി മുഹീത് തടഞ്ഞു. 58ആം മിനുട്ടിൽ വിക്ടർ ഡോൺ ബോസ്കോയ്ക്കായി ഗോൾ നേടി. ഇതിനു ശേഷം കേരള ബ്ലാസ്റ്റേഴ്സ് ഗോൾ കീപ്പർ ചുവപ്പ് കാർഡ് കണ്ടെങ്കിലും ബ്ലാസ്റ്റേഴ്സ് 10 പേരുമായി പൊരുതി വിജയം ഉറപ്പാക്കി.

ഇന്ന് വിജയിച്ചു എങ്കിലും കേരള ബ്ലാസ്റ്റേഴ്സ് ഈ സീസൺ കേരള പ്രീമിയർ ലീഗിൽ നിന്ന് റിലഗേറ്റഡ് ആയിരുന്നു.

Previous articleബാബറിനെ ബിഗ് ബാഷിലെ ഏത് ടീമും സ്വന്തമാക്കുവാന്‍ ശ്രമിക്കും – ആരോൺ ഫിഞ്ച്
Next articleകേരള പ്രീമിയർ ലീഗ്, ത്രില്ലറിന് ഒടുവിൽ സായ് കൊല്ലം എം എ അക്കാദമിയെ വീഴ്ത്തി