കേരള പ്രീമിയർ ലീഗ്, തകർപ്പൻ ജയത്തോടെ കേരള ബ്ലാസ്റ്റേഴ്സ് മുന്നോട്ട്

Newsroom

Download the Fanport app now!
Appstore Badge
Google Play Badge 1

കേരള പ്രീമിയർ ലീഗിൽ കേരള ബ്ലാസ്റ്റേഴ്സ് വീണ്ടും വിജയ വഴിയിൽ. ഇന്ന് ഗ്രൂപ്പ് എയിൽ നടന്ന പോരാട്ടത്തിൽ കേരള ബ്ലാസ്റ്റേഴ്സ് റിസേർവ്സ് സാറ്റ് തിരൂരിനെ ആണ് പരാജയപ്പെടുത്തിയത്. സാറ്റിന്റെ ഹോമായ തിരൂരിൽ വെച്ച് നടന്ന മത്സരത്തിൽ എതിരില്ലാത്ത രണ്ടു ഗോളുകൾക്കായിരുന്നു കേരള ബ്ലാസ്റ്റേഴ്സിന്റെ വിജയം. രണ്ടാം പകുതിയിലായിരുന്നു കേരള ബ്ലാസ്റ്റേഴ്സിന്റെ രണ്ട് ഗോളുകളും പിറന്നത്. ആദ്യം 47ആം മിനുട്ടിൽ അഭിജിതും തുടർന്ന് 61ആം മിനുട്ടിൽ സുരാഗ് ഛേത്രിയും കേരള ബ്ലാസ്റ്റേഴ്സിനായി ഗോൾ നേടി.

കഴിഞ്ഞ കളിയിൽ എസ് ബി ഐയോട് കേരള ബ്ലാസ്റ്റേഴ്സ് സമനില വഴങ്ങിയിരുന്നു. ഇന്നത്തെ ജയത്തോടെ നാലു മത്സരങ്ങളിൽ നിന്ന് കേരള ബ്ലാസ്റ്റേഴ്സിന് ഏഴു പോയന്റാണ് ഉള്ളത്. ഇപ്പോൾ ഗ്രൂപ്പിൽ എഫ് സി കൊച്ചിക്ക് പിറകിൽ രണ്ടാമതായാണ് കേരള ബ്ലാസ്റ്റേഴ്സ് ഉള്ളത്. ആറു മത്സരങ്ങൾ കളിച്ച സാറ്റിന് ആറു പോയന്റു മാത്രമെ ഉള്ളൂ‌