മഞ്ചേരിയിലെ പയ്യനാട് സ്റ്റേഡിയത്തിൽ വയനാട് യുണൈറ്റഡ് എഫ്സിയെ 2-0 ന് പരാജയപ്പെടുത്തി, എലൈറ്റ് കേരള പ്രീമിയർ ലീഗ് 2024-25 ൽ ഇന്റർ കേരള എഫ്സി മികച്ച അരങ്ങേറ്റം കുറിച്ചു.
മത്സരത്തിൽ ഇരു ടീമുകളും ശക്തമായ പോരാട്ടം കാഴ്ചവച്ചു, പക്ഷേ രണ്ടാം പകുതിയിൽ ഇന്റർ കേരള നിയന്ത്രണം ഏറ്റെടുത്തു. 62-ാം മിനിറ്റിൽ സാവിയോ സുനിൽ പെനാൽറ്റി സ്പോട്ടിൽ നിന്ന് ആദ്യ ഗോൾ നേടി. ഇന്റർ കേരള 1-0ന് മുന്നിൽ എത്തി.
മത്സരത്തിന്റെ അവസാന നിമിഷങ്ങളിൽ, 94ആം മിനുറ്റിൽ സന്തോഷ് ബിഷ്ണോയി ഗോൾ നേടി ഇന്റർ കേരളയ്ക്ക് വിജയം ഉറപ്പിച്ചു കൊടുത്തു. സൽമാൻ ഫാരിസ് പ്ലയർ ഓഫ് ദി മാച്ച് ആയി തിരഞ്ഞെടുക്കപ്പെട്ടു.