കേരള പ്രീമിയർ ലീഗിൽ ഗോകുലം എതിരാളികൾ ഇല്ലാതെ മുന്നേറുന്നു. ഏഴു മത്സരങ്ങൾ കഴിഞ്ഞപ്പോൾ തന്നെ തങ്ങൾ ബി ഗ്രൂപ്പിലെ ഒന്നാം സ്ഥാനക്കാർ ആകും എന്ന് ഗോകുലം ഉറപ്പിച്ചിരിക്കുകയാണ്‌. ഇന്ന് ലീഗിലെ തുടർച്ചയായ ഏഴാം വിജയമാണ് ഗോകുലം കേരള എഫ് സി നേടിയത്. ഇന്ന് തൃക്കരിപ്പൂരിൽ നടന്ന മത്സരത്തിൽ ഷൂട്ടേഴ്സ് പടന്നയെ ആണ് ഗോകുലം തോൽപ്പിച്ചത്.
ഒന്നിനെതിരെ രണ്ടു ഗോളുകൾക്കായിരുന്നു ഗോകുലത്തിന്റെ വിജയം. കോഴിക്കോട് വെച്ച് നടന്ന മത്സരത്തിലും സമാന സ്കോറിൽ ഗോകുലം ഷൂട്ടേഴ്സിനെ തോൽപ്പിച്ചിരുന്നു. ഷിഹാദും ഷിബിൽ മുഹമ്മദുമാണ് ഗോകുലത്തിനായി ഇന്ന് ഗോൾ നേടിയത്. ഷീട്ടേഴ്സിനാസി സജീറും ഗോൾ നേടി.
ഏഴിൽ ഏഴു ജയത്തോടെ 21 പോയന്റുമായി ഗോകുലം കേരള എഫ് സി ഗ്രൂപ്പ് ബിയിൽ ഒന്നാമത് നിൽക്കുകയാണ്. ഷൂട്ടേഴ്സിന്റെ ലീഗിലെ മൂന്നാം തോൽവിയാണിത്. ഒമ്പതു പോയിന്റ് ആണ് ഷൂട്ടേഴ്സിന് ഇപ്പോൾ ഉള്ളത്.
