കേരള പ്രീമിയർ ലീഗിൽ അവസാനം എഫ് സി കേരളയ്ക്ക് ഒരു വിജയം. ഇന്ന് നടന്ന ഗ്രൂപ്പ് എയിലെ മത്സരത്തിൽ ഐഫയെ ആണ് എഫ് സി കേരള തോൽപ്പിച്ചത്. തൃശ്ശൂർ കോർപ്പറേഷൻ സ്റ്റേഡിയത്തിൽ നടന്ന മത്സരത്തിൽ ഏക ഗോളിനായിരുന്നു എഫ് സി കേരളയുടെ വിജയം. 52ആം മിനുട്ടിൽ മെൽവിൻ തോമസ് ആണ് എഫ് സി കേരളക്കായി ഗോൾ നേടിയത്‌. എഫ് സി കേരളയുടെ സൽമാൻ ഫാർസ് ആണ് കളിയിലെ താരമായത്.
ഈ വിജയത്തോടെ നാലു മത്സരങ്ങളിൽ നിന്ന് 4 പോയിന്റുമായി പത്താമത് നിൽക്കുകയാണ് എഫ് സി കേരള. ഐഫ ഗ്രൂപ്പിൽ അവസാന സ്ഥാനത്താണ്‌.
