കേരള പ്രീമിയർ ലീഗ്; വൻ വിജയത്തോടെ ബാസ്കോ ഒതുക്കുങ്ങൽ, സെമിയോട് അടുത്തു

കേരള പ്രീമിയർ ലീഗിൽ വൻ വിജയത്തോടെ ബാസ്കോ ഒതുക്കുങ്ങൽ സെമി ഫൈനലിനോട് അടുത്തു. ഇന്ന് ഐഫയെ എതിരില്ലാത്ത അഞ്ചു ഗോളുകൾക്കാണ് ബാസ്കോ തോൽപ്പിച്ചത്. തൃശ്ശൂർ കോർപ്പറേഷൻ സ്റ്റേഡിയത്തിൽ നടന്ന മത്സരത്തിൽ ഗംഭീര പ്രകടനമാണ് ബാസ്കോ നടത്തിയത്. ഇന്ന് 18ആം മിനുട്ടിൽ ജാക്ക് എസോമ്പെ ബാസ്കോ ഒതുക്കുങ്ങലിന് ലീഡ് നൽകി. ആദ്യ പകുതിയുടെ അവസാനം അബ്ദു റഹീം ലീഡ് ഇരട്ടിയാക്കി.

രണ്ടാം പകുതിയിൽ മുഹമ്മദ് ആശിഖ്, നസറുദ്ദീൻ, വിഷ്ണു എന്നിവരും ബാസ്കോക്ക് വേണ്ടി ഗോൾ നേടി. ബാസ്കോയുടെ നൗഫൽ ആണ് കളിയിലെ മാൻ ഓഫ് ദി മാച്ച് ആയത്.. ഈ വിജയത്തോടെ ബാസ്കോ ഒതുക്കുങ്ങൽ ഗ്രൂപ്പിൽ ഒന്നാം സ്ഥാനത്ത് എത്തി. 9 മത്സരങ്ങളിൽ 21 പോയിന്റാണ് ബാസ്കോക്ക് ഉള്ളത്.